ಭಾರತಕ್ಕೆ ‘ತಾಪಮಾನ’ ಅಪಾಯ

Team Udayavani, Nov 5, 2019, 12:30 AM IST

ಬ್ಯಾಂಕಾಕ್‌ : ಜಾಗತಿಕ ಹವಾಮಾನ ಬದಲಾವಣೆಯು ವಿಶ್ವದ ಸ್ಥಿರತೆಗೆ ಅಪಾಯಕಾರಿಯಾಗಿ ಪರಿಣಮಿಸಿದೆ. ಸಮುದ್ರದ ನೀರಿನ ಮಟ್ಟ ದಿನೇ ದಿನೆ ಏರಿಕೆಯಾಗುತ್ತಿದೆ. ಇದರಿಂದಾಗಿ, ಭಾರತ, ಜಪಾನ್‌, ಚೀನ ಹಾಗೂ ಬಾಂಗ್ಲಾದೇಶದ ಕೆಲವು ಪ್ರಾಂತ್ಯಗಳು ಮುಳುಗಡೆ ಭೀತಿಯನ್ನು ಎದುರಿಸುತ್ತವೆ ಎಂದು ವಿಶ್ವಸಂಸ್ಥೆಯ ಮಹಾಕಾರ್ಯದರ್ಶಿ ಅಂಟೋನಿಯೊ ಗುಟೆರಸ್‌ ತಿಳಿಸಿದ್ದಾರೆ.

ಬ್ಯಾಂಕಾಕ್‌ನಲ್ಲಿ ನಡೆಯುತ್ತಿರುವ ಆರ್‌.ಸಿ.ಇ.ಪಿ. ಸಭೆಯಲ್ಲಿ ಭಾಗವಹಿಸಿರುವ ಅವರು, ಪತ್ರಕರ್ತರೊಂದಿಗೆ ಮಾತನಾಡುವಾಗ ಈ ವಿಚಾರ ಹಂಚಿಕೊಂಡಿದ್ದಾರೆ. ‘ಇತ್ತೀಚೆಗಿನ ಸಂಶೋಧನಾ ವರದಿಯ ಪ್ರಕಾರ, ಜಾಗತಿಕ ಹವಾಮಾನ ಬದಲಾವಣೆಯ ಪರಿಣಾಮ, ಸಮುದ್ರದ ನೀರಿನ ಮಟ್ಟದಲ್ಲಿ ಕ್ರಮೇಣ ಏರಿಕೆಯಾಗುತ್ತಿದೆ. ಇದಕ್ಕೆ ನಾನಾ ದೇಶಗಳೇ ಕಾರಣ. ಆ ದೇಶಗಳು ಈ ಕುರಿತಂತೆ ಕಾಳಜಿ ವಹಿಸದಿದ್ದರೆ, 2050ರ ಹೊತ್ತಿಗೆ ಸುಮಾರು 3 ಕೋಟಿ ಜನ ಸಮುದ್ರದ ಅಬ್ಬರದಲ್ಲಿ ಕಳೆದುಹೋಗುವ ಅಪಾಯವಿದೆ” ಎಂದಿದ್ದಾರೆ.