ಮ್ಯಾಗ್ನೆಟ್ ಮ್ಯಾನ್ ಆಗಲು ಹುಚ್ಚು ಸಾಹಸ : ಈತನ ಹೊಟ್ಟೆಯಲ್ಲಿ ಸಿಕ್ಕಿದ್ದು ಏನು ಗೊತ್ತಾ ?

Team Udayavani, Feb 10, 2021, 1:09 PM IST

ಲಂಡನ್ : ಮ್ಯಾಗ್ನೆಟಿಕ್ ಮ್ಯಾನ್ ಆಗಲು ಹೋದ ಲಂಡನ್ ಮೂಲದ 12 ವರ್ಷದ ಬಾಲಕನೋರ್ವ ತನ್ನ ಪ್ರಾಣಕ್ಕೆ ಸಂಚಕಾರ ತಂದುಕೊಂಡಿದ್ದು, ವೈದ್ಯರ 6 ಗಂಟೆಗಳ ಪರಿಶ್ರಮದ ಫಲವಾಗಿ ಪುನರ್ ಜನ್ಮ ಪಡೆದಿದ್ದಾನೆ.

ತನ್ನ ಹೊಟ್ಟೆಗೆ ಕಬ್ಬಿಣ ಅಂಟಿಕೊಳ್ಳುತ್ತದೆಯೇ ಎಂಬ ಕುತೂಹಲದಿಂದ ಬರೋಬ್ಬರಿ 54 ಆಯಸ್ಕಾಂತ್ ಬಾಲ್ ಗಳನ್ನ ರಿಲೇ ಮಾರಿಸನ್ , ಪ್ರತಿದಿನ ಒಂದರಂತೆ ಸೇವಿಸಿದ್ದ. ಇವು ಟಾಯ್ಲೆಟ್ ಮೂಲಕ ಹೊರಬರಬಹುದು ಎಂದು ಆತ ಅಂದಾಜಿಸಿದ್ದ. ಆದರೆ, ಅವು ಹೊರ ಬರದೆ ಇದ್ದಾಗ ಗಾಬರಿಗೊಂಡು ತನ್ನ ತಾಯಿ ಬಳಿ ವಿಷಯ ತಿಳಿಸಿದ್ದಾರೆ.

ಇದನ್ನೂ ಓದಿ :ರಸ್ತೆ ಅಪಘಾತ ಪ್ರಕರಣ: 10 ತಿಂಗಳುಗಳಲ್ಲಿ 43 ಸಾವು

ಮಗನ ಹುಚ್ಚಾಟದಿಂದ ಗಾಬರಿಗೊಂಡ ಆಕೆ, ಮಗನನ್ನು ವೈದ್ಯರ ಬಳಿ ಕರೆದೊಯ್ದು, ಎಕ್ಸ್-ರೇ ಮಾಡಿಸಿದ್ದಾರೆ. ಈ ವೇಳೆ ರಿಲೇ ಹೊಟ್ಟೆ ಹಾಗೂ ಕರುಳಿನಲ್ಲಿ ಮ್ಯಾಗ್ನೆಟಿಕ್ ಬಾಲ್ ಗಳಿರುವುದು ನೋಡಿ ವೈದ್ಯರೆ ಶಾಕ್ ಹಾಕಿದ್ದಾರೆ. ಸರಿಯಾದ ಸಮಯಕ್ಕೆ ಆಸ್ಪತ್ರೆಗೆ ಕರೆತರದಿದ್ದರೆ ಈತನ ಪ್ರಾಣಕ್ಕೆ ಕುತ್ತು ಇತ್ತು ಎಂದು ವೈದ್ಯರು ಹೇಳಿದ್ದಾರೆ.

ತಕ್ಷಣವೇ ಕಾರ್ಯಪ್ರವೃತ್ತರಾದ ವೈದ್ಯರ ತಂಡ ಸತತ 6 ಗಂಟೆಗಳ ಕಾಲ ಸರ್ಜರಿ ಮಾಡೋ ಮೂಲಕ ಆಯಸ್ಕಾಂತದ ಬಾಲ್ ಗಳನ್ನು ಹೊರ ತೆಗೆದಿದ್ದಾರೆ. ಸದ್ಯ ರಿಲೇ ಪ್ರಾಣಾಪಾಯದಿಂದ ಪಾರಾಗಿದ್ದು,ಆಸ್ಪತ್ರೆಯಲ್ಲಿ ಬೆಡ್ ರೆಸ್ಟ್ ನಲ್ಲಿದ್ದಾನೆ ಎಂದು ವೈದ್ಯರು ಹೇಳಿದ್ದಾರೆ.