ಮಲೇಷ್ಯಾ ಸಂಸತ್‌ ವಿಸರ್ಜಿಸಿದ ಪ್ರಧಾನಿ ಇಸ್ಮಾಯಿಲ್‌ ಸಬ್ರಿ ಯಾಕೂಬ್‌

Team Udayavani, Oct 10, 2022, 8:45 PM IST

ಕೌಲಾಲಂಪುರ: ಮಲೇಷ್ಯಾ ಪ್ರಧಾನಿ ಇಸ್ಮಾಯಿಲ್‌ ಸಬ್ರಿ ಯಾಕೂಬ್‌ ಕೈಗೊಂಡ ಹಠಾತ್‌ ನಿರ್ಧಾರದಲ್ಲಿ ಸಂಸತ್‌ ಅನ್ನು ವಿಸರ್ಜಿಸಿದ್ದಾರೆ.

ಹೀಗಾಗಿ, ಅಲ್ಲಿ ಮತ್ತೆ ಚುನಾವಣೆ ಎದುರಿಸುವ ಸ್ಥಿತಿ ಉಂಟಾಗಿದೆ. ಕುತೂಹಲಕಾರಿ ಅಂಶವೆಂದರೆ ಹಾಲಿ ಸಂಸತ್‌ನ ಅವಧಿ ಮುಕ್ತಾಯಗೊಳ್ಳಲು ಇನ್ನು 9 ತಿಂಗಳು ಮಾತ್ರ ಉಳಿದಿದೆ.

ಪ್ರಧಾನಿ ಇಸ್ಮಾಯಿಲ್‌ ನೇತೃತ್ವದ ಯುನೈಟೆಡ್‌ ಮಲಯಾಸ್‌ ನ್ಯಾಷನಲ್‌ ಆರ್ಗನೈಸೇಷನ್‌ (ಯುಎಂಎನ್‌ಒ) ಮುಂದಿನ ಚುನಾವಣೆಯಲ್ಲಿ ಮತ್ತೆ ಜಯ ಗಳಿಸುವ ವಿಶ್ವಾಸ ಹೊಂದಿದೆ.

ಭಾನುವಾರ ದೊರೆ ಸುಲ್ತಾನ್‌ ಅಬ್ದುಲ್ಲಾ ಸುಲ್ತಾನ್‌ ಅಹ್ಮದ್‌ ಶಾ ಪ್ರಧಾನಿ ಇಸ್ಮಾಯಿಲ್‌ ಅವರ ಸಂಸತ್‌ ವಿಸರ್ಜಿಸುವ ನಿರ್ಧಾರಕ್ಕೆ ಸಹಮತ ವ್ಯಕ್ತಪಡಿಸಿದ್ದಾರೆ.