Malaysia ; ಹೆದ್ದಾರಿಯಲ್ಲಿ ಕಾರು,ಬೈಕಿಗೆ ಜೆಟ್ ವಿಮಾನ ಢಿಕ್ಕಿ:10 ಮಂದಿ ಮೃತ್ಯು

Team Udayavani, Aug 17, 2023, 9:08 PM IST

ಕೌಲಾಲಂಪುರ್‌ : ಮಲೇಷ್ಯಾದಲ್ಲಿ ಸಣ್ಣ ಖಾಸಗಿ ಜೆಟ್ ಹೆದ್ದಾರಿಯಲ್ಲಿ ಮೋಟರ್‌ಬೈಕ್ ಮತ್ತು ಕಾರಿಗೆ ಢಿಕ್ಕಿ ಹೊಡೆದು ದುರಂತ ಸಂಭವಿಸಿದ್ದು,ವಿಮಾನದಲ್ಲಿದ್ದ ಎಲ್ಲಾ ಎಂಟು ಜನರು ಮತ್ತು ಇಬ್ಬರು ವಾಹನ ಚಾಲಕರು ದಾರುಣವಾಗಿ ಮೃತಪಟ್ಟಿದ್ದಾರೆ.

ಬೀಚ್‌ಕ್ರಾಫ್ಟ್ ಮಾಡೆಲ್ 390 (ಪ್ರೀಮಿಯರ್ 1) ವಿಮಾನವು ಆರು ಪ್ರಯಾಣಿಕರು ಮತ್ತು ಇಬ್ಬರು ಸಿಬಂದಿಗಳನ್ನು ಹೊತ್ತೊಯ್ಯುತ್ತಿತ್ತು. ಅಪಘಾತ ಸಂಭವಿಸಿದಾಗ ಎಲ್ಮಿನಾ ಟೌನ್‌ಶಿಪ್ ಬಳಿ ಇಳಿಯಲು ಪ್ರಯತ್ನಿಸುತ್ತಿತ್ತು. ಅಪಘಾತಕ್ಕೂ ಮುನ್ನ ವಿಮಾನವು ಏರ್ ಟ್ರಾಫಿಕ್ ಕಂಟ್ರೋಲ್ ಟವರ್ ನ ಸಂಪರ್ಕ ಕಳೆದುಕೊಂಡಿತ್ತು. ಯಾವುದೇ ತುರ್ತು ಕರೆ ಮಾಡದಿದ್ದರೂ, ವಿಮಾನವನ್ನು ಇಳಿಸಲು ಅನುಮತಿ ನೀಡಲಾಯಿತು.

ಈ ವಿಮಾನವು ರಜಾ ದ್ವೀಪವಾದ ಲಂಕಾವಿಯಿಂದ ಹೊರಟು ಕೌಲಾಲಂಪುರ್ ಬಳಿಯ ಸೆಲಂಗೋರ್‌ನ ಸುಲ್ತಾನ್ ಅಬ್ದುಲ್ ಅಜೀಜ್ ಷಾ ವಿಮಾನ ನಿಲ್ದಾಣಕ್ಕೆ ತೆರಳುತ್ತಿತ್ತು. ಅಪಘಾತದ ನಂತರ ರಕ್ಷಣಾ ಕಾರ್ಯಾಚರಣೆಯನ್ನು ಪ್ರಾರಂಭಿಸಲಾಗಿದೆ.