ಬೆಂಕಿ ಹಚ್ಚಿಕೊಂಡವನ ಜತೆ ಜನ ಸೆಲ್ಫಿಗೆ ಮುಂದಾದರೆ ಹೊರತು ರಕ್ಷಣೆಗೆ ಬರಲಿಲ್ಲ!

Team Udayavani, Jun 1, 2022, 8:14 PM IST

ಇಸ್ತಾನ್‌ಬುಲ್‌: ವ್ಯಕ್ತಿಯೊಬ್ಬ ಪ್ರವಾಸಿ ತಾಣದಲ್ಲಿ ಬೆಂಕಿ ಹಚ್ಚಿಕೊಂಡು ಆತ್ಮಹತ್ಯೆ ಮಾಡಿಕೊಳ್ಳಲು ಯತ್ನಿಸಿದ್ದು, ಆತನ ಸುತ್ತಲಿದ್ದ ಜನರು ಆತನನ್ನು ಪಾರು ಮಾಡುವುದು ಬಿಟ್ಟು, ಆತನ ಜೊತೆಗೆ ಸೆಲ್ಫಿ ತೆಗೆದುಕೊಳ್ಳಲು ಮುಂದಾಗಿದ್ದ ಘಟನೆ ಟರ್ಕಿಯಲ್ಲಿ ನಡೆದಿದೆ.

ಇಸ್ತಾನ್‌ಬುಲ್‌ನಲ್ಲಿರುವ ಗಲತಾ ಟವರ್‌ ಬಳಿ ವ್ಯಕ್ತಿಯೊಬ್ಬ ಹಾಲಿವುಡ್‌ನ‌ ಭಯಾನಕ ಪಾತ್ರವಾಗಿರುವ ಗ್ರಿಮ್‌ ರೀಪರ್‌ ರೀತಿಯಲ್ಲಿ ಕಪ್ಪು ಬಟ್ಟೆ ಧರಿಸಿಕೊಂಡು ತಿರುಗಾಡಿದ್ದ. ಕೈನಲ್ಲಿ ಪೆಟ್ರೋಲ್‌ ಕ್ಯಾನ್‌ ಹಿಡಿದಿದ್ದ ಆತ ಮೈ ಮೇಲೆ ಪೆಟ್ರೋಲ್‌ ಸುರಿದುಕೊಂಡು ಬೆಂಕಿ ಹಚ್ಚಿಕೊಂಡಿದ್ದಾನೆ.

ಹೊತ್ತಿ ಉರಿಯುತ್ತಿದ್ದ ಆತನನ್ನು ಕಾಪಾಡಲು ಯಾರೂ ಹೋಗಿಲ್ಲ, ಆತನೊಂದಿಗೆ ಸೆಲ್ಫಿ ಕ್ಲಿಕ್ಕಿಸಿಕೊಳ್ಳಲು ತೋರಿದಷ್ಟು ಉತ್ಸಾಹ ಆತನನ್ನು ಪಾರು ಮಾಡುವುದರಲ್ಲಿ ಇರಲಿಲ್ಲ. ಆದರೆ, ಕೆಲವರು ಸ್ಥಳೀಯರ ಮಾಹಿತಿ ಮೇರೆಗೆ ಅಗ್ನಿ ಶಾಮಕ ದಳದವರು ಸ್ಥಳಕ್ಕೆ ಬಂದು ಬೆಂಕಿ ನಂದಿಸಿದ್ದಾರೆ.