ನೀರಿಗಾಗಿ ತಿಂಗಳಿಗೆ 1.5 ಲಕ್ಷ ರೂ. ವೆಚ್ಚ!

Team Udayavani, Feb 18, 2022, 7:00 AM IST

ನ್ಯೂಯಾರ್ಕ್‌: ನೀರಿಗಾಗಿ ಯಾರಾದರೂ ಲಕ್ಷಗಟ್ಟಲೆ ವ್ಯಯಿಸುವುದನ್ನು ನೋಡಿದ್ದೀರಾ? ಅಮೆರಿಕದ ಟಿಕ್‌ಟಾಕರ್‌ ರಾಯನ್‌ ಡಬ್ಸ್ ಪ್ರತಿ ತಿಂಗಳು ಉತ್ತಮ ಗುಣಮಟ್ಟದ ಶುದ್ಧ ಕುಡಿಯುವ ನೀರಿಗಾಗಿ ಬರೋಬ್ಬರಿ 1.5 ಲಕ್ಷ ರೂ. ಖರ್ಚು ಮಾಡುತ್ತಾರಂತೆ!

ಹೀಗೆಂದು ಸ್ವತಃ ರಾಯನ್‌ ಅವರೇ ಹೇಳಿಕೊಂಡಿದ್ದಾರೆ. ನನಗೆ ನಲ್ಲಿ ನೀರನ್ನು ಕಂಡರಾಗದು. ಬಾಟಲಿ ನೀರೇ ಕುಡಿಯಲು ಇಷ್ಟ. ಹೀಗಾಗಿ, ಪ್ರತಿ ತಿಂಗಳು ಉತ್ತಮ ಗುಣಮಟ್ಟದ ನೀರಿಗಾಗಿ ನಾಲ್ಕು ಫ್ರಿಜ್‌ಗಳಲ್ಲಿ  “ವಿಓಎಸ್‌ಎಸ್‌’ ಕಂಪನಿಯ ನೀರನ್ನು ಶೇಖರಿಸಿಡುತ್ತೇನೆ. ಇದಕ್ಕಾಗಿ ಪ್ರತಿ ತಿಂಗಳು ಒಂದೂವರೆ ಲಕ್ಷ ರೂ. ವೆಚ್ಚ ಮಾಡುತ್ತಿದ್ದೇನೆ ಎಂದೂ ತಮ್ಮ ಟಿಕ್‌ಟಾಕ್‌ ವಿಡಿಯೋದಲ್ಲಿ ಹೇಳಿದ್ದಾರೆ.

ಕೆಲವರು ರಾಯನ್‌ ವಿಡಿಯೋ ನೋಡಿ ನಕ್ಕು ಸುಮ್ಮನಾದರೆ, ಇನ್ನು ಕೆಲವರು ಟೀಕಾಪ್ರಹಾರ ಮಾಡಿದ್ದಾರೆ.