ಫೋಟೋಶೂಟ್‌ ಗೆ ಸೋಫಾ ಬೇಡ, ಕುರ್ಚಿ ಸಾಕು ಎಂದ ಮೋದಿ; ವಿಡಿಯೋ ವೈರಲ್‌

Team Udayavani, Sep 6, 2019, 8:26 AM IST

ಮಾಸ್ಕೋ: ಭಾರತದ ಪ್ರಧಾನಿ ನರೇಂದ್ರ ಮೋದಿಯವರು ರಷ್ಯಾದಲ್ಲಿ ತನ್ನ ಸರಳತೆಯಿಂದ ಗಮನ ಸೆಳೆದಿದ್ದಾರೆ. ಫೋಟೋಶೂಟ್‌  ನಲ್ಲಿ ತನಗಾಗಿ ಇರಿಸಲಾಗಿದ್ದ ವಿಶೇಷ ಸೋಫಾವನ್ನು ನಿರಾಕರಿಸಿ ಮಾಮೂಲಿ ಕುರ್ಚಿಯಲ್ಲಿ ಕುಳಿತುಕೊಂಡ ಮೋದಿಯವರ ಈ ವಿಡಿಯೋ ಈಗ ವೈರಲ್‌ ಆಗಿದೆ.

ರಷ್ಯಾ ಪ್ರವಾಸದಲ್ಲಿ ವ್ಲಾಡಿವೋಸ್ಟಕ್‌ ಗೆ ಭೇಟಿ ನೀಡಿದ ಪ್ರಧಾನಿ ಮೋದಿ, ಅಧಿಕಾರಿಗಳ ಜೊತೆ ಫೋಟೋಶೂಟ್‌ ನಲ್ಲಿ ಪಾಲ್ಗೊಂಡರು. ಆದರೆ ಅಲ್ಲಿ ನರೇಂದ್ರ ಮೋದಿಯವರಿಗೆ ವಿಶೇಷ ಸೋಫಾದ ವ್ಯವಸ್ಥೆ ಮಾಡಲಾಗಿತ್ತು. ಇದನ್ನು ಕಂಡ ಮೋದಿಯವರು ತನಗೆ ಈ ಸೋಫಾ ಬೇಡ, ಇತರರೊಂದಿಗೆ ಮಾಮೂಲಿ ಕುರ್ಚಿಯಲ್ಲೇ  ಕುಳಿತುಕೊಳ್ಳುತ್ತೇನೆಂದು ಆ ಸೋಫಾ ತೆಗೆಸಿ ಬೇರೆ ಕುರ್ಚಿ ತರಿಸಿದರು. ರೈಲ್ವೇ ಖಾತೆ ಸಚಿವ ಪೀಯೂಶ್‌ ಗೋಯಲ್‌ ಈ ವಿಡಿಯೋವನ್ನು ತನ್ನ ಟ್ವೀಟರ್‌ ನಲ್ಲಿ ಪ್ರಕಟಿಸಿದ್ದು, ಇದು ಈಗ ಜನಪ್ರಿಯವಾಗಿದೆ.

ಸಾಮಾಜಿಕ ಜಾಲತಾಣಗಳಲ್ಲಿ ಈ ವಿಡಿಯೋ ಈಗ ಭಾರಿ ಪ್ರಚಾರ ಪಡೆಯುತ್ತಿದ್ದು, ಪ್ರಧಾನಿ ಮೋದಿಯವರ ಸರಳತೆಯನ್ನು ನೆಟ್ಟಿಗರು ಕೊಂಡಾಡಿದ್ದಾರೆ.

PM @NarendraModi जी की सरलता का उदाहरण आज पुनः देखने को मिला, उन्होंने रूस में अपने लिए की गई विशेष व्यवस्था को हटवा कर अन्य लोगों के साथ सामान्य कुर्सी पर बैठने की इच्छा जाहिर की। pic.twitter.com/6Rn7eHid6N

— Piyush Goyal (@PiyushGoyal) September 5, 2019