ಶ್ರೀಲಂಕಾದಲ್ಲಿ ಮುಸ್ಲಿಂ ಸಂಪ್ರದಾಯವಾದಿ ಬಂಧನ

Team Udayavani, May 13, 2019, 6:07 AM IST

ಸಾಂದರ್ಭಿಕ ಚಿತ್ರ.

ಕೊಲಂಬೊ: ಶ್ರೀಲಂಕಾ ಈಸ್ಟರ್‌ ಸ್ಫೋಟ ಪ್ರಕರಣ ಸಂಬಂಧ ಓರ್ವ ಸಂಪ್ರದಾಯವಾದಿ ಧಾರ್ಮಿಕ ಮುಖಂಡರನ್ನು ಪೊಲೀಸರು ಬಂಧಿಸಿದ್ದಾರೆ. ಸೌದಿಯಲ್ಲಿ ಅಧ್ಯಯನಗೈದು ಲಂಕಾದಲ್ಲಿ ಸೆಂಟರ್‌ ಫಾರ್‌ ಇಸ್ಲಾಮಿಕ್‌ ಗೈಡೆನ್ಸ್‌ ಎಂಬ ಸಂಸ್ಥೆ ಹುಟ್ಟುಹಾಕಿದ್ದ ಮೊಹಮದ್‌ ಅಲಿಯಾರ್‌ (60), ಸ್ಫೋಟದ ಸಂಚುಕೋರ ಝಹ್ರಾನ್‌ ಹಶೀಮ್‌ ಜತೆೆ ಸಂಪರ್ಕದಲ್ಲಿದ್ದರು ಹಾಗೂ ಹಣಕಾಸು ನೆರವು ನೀಡುತ್ತಿದ್ದರು ಎಂದು ಹೇಳಲಾಗಿದೆ. ಅಲಿಯಾರ್‌ ಸಂಸ್ಥೆ ಅಡಿಯಲ್ಲಿ ಝಹ್ರಾನ್‌ನ ಊರು ಕಟ್ಟಂಕುಡಿಯಲ್ಲಿ ಮಸೀದಿ, ಶಾಲೆ, ಲೈಬ್ರರಿ ಸ್ಥಾಪಿಸಲಾಗಿತ್ತು.

ಆದರೆ ಪೊಲೀಸರು ಅಲಿಯಾರ್‌ ಬಂಧ ನದ ಬಗ್ಗೆ ಯಾವುದೇ ಮಾಹಿತಿ ಬಹಿರಂಗ‌ ಗೊಳಿಸಲಿಲ್ಲ. ಝಹ್ರಾನ್‌ನ ಚಿಂತನೆಗಳು ಸೆಂಟರ್‌ ಫಾರ್‌ ಇಸ್ಲಾಮಿಕ್‌ ಲೈಬ್ರರಿಯಲ್ಲಿನ ಪುಸ್ತಕಗಳನ್ನು ಓದಿದ ಅನಂತರವೇ ಬದಲಾ ಗಿದೆ. ಸುಮಾರು 2-3 ವರ್ಷಗಳ ಹಿಂದೆ ಸಲಾಫಿ -ವಹಾಬಿ ಕುರಿತ ಪುಸ್ತಕಗಳನ್ನು ಈತ ಓದುತ್ತಿದ್ದ ಎಂದು ಕೆಲವರು ಹೇಳಿದ್ದಾರೆ.

ಇದಕ್ಕೂ ಹಿಂದೆ ಶ್ರೀಲಂಕಾದಲ್ಲಿ ಈ ರೀತಿಯ ಚಿಂತನೆಗಳು ಇರಲಿಲ್ಲ. ಸೌದಿ ಅರೇಬಿಯಾ ಮೂಲದ ಸಲಾಫಿ-ವಹಾಬಿ ಚಿಂತನೆಗಳನ್ನು ಶ್ರೀಲಂಕಾದಲ್ಲಿ ಹರಡಲು 1990ರಲ್ಲೇ ಅಲಿಯಾರ್‌ ಈ ಸಂಸ್ಥೆ ಸ್ಥಾಪಿಸಿ ದ್ದರು. ಸೌದಿಯಿಂದಲೇ ಇದಕ್ಕೆ ಅನುದಾನ ಲಭ್ಯವಾಗುತ್ತಿತ್ತು.