ಮ್ಯಾನ್ಮಾರ್ ದಂಗೆ : ಪ್ರಜಾಪ್ರಭುತ್ವ ಪ್ರಕ್ರಿಯೆಯನ್ನು ಎತ್ತಿಹಿಡಿಯಬೇಕು’: ಎಂಇಎ

Team Udayavani, Feb 1, 2021, 10:25 AM IST

ನವ ದೆಹಲಿ : ಆಂಗ್ ಸಾನ್ ಸೂಕಿ ಸೇರಿದಂತೆ ಮ್ಯಾನ್ಮಾರ್ ನ ನಾಯಕರನ್ನು ದೇಶದ ಮಿಲಿಟರಿ ಆಡಳಿತ ಮಂಡಳಿಯು ಬಂಧಿಸಿರುವ ಬಗ್ಗೆ ಭಾರತ ‘ತೀವ್ರ ಕಳವಳ ’ ವ್ಯಕ್ತಪಡಿಸಿದೆ ಮತ್ತು ‘ಕಾನೂನಿನ ನಿಯಮ ಮತ್ತು ಪ್ರಜಾಪ್ರಭುತ್ವ ಪ್ರಕ್ರಿಯೆಯನ್ನು ಎತ್ತಿಹಿಡಿಯಬೇಕು’ ಎಂದು ಹೇಳಿದೆ.

ಓದಿ : ಇಂದಿನ ಗ್ರಹಬಲ: ಈ ರಾಶಿಯವರಿಗಿಂದು ಹಿತಶತ್ರು ಬಾಧೆ ಕಂಡು ಬರಲಿದೆ

“ನಾವು ಮ್ಯಾನ್ಮರ್  ನಲ್ಲಿನ ಬೆಳವಣಿಗೆಗಳನ್ನು ಗಮನಿಸಿದ್ದೇವೆ. ಮ್ಯಾನ್ಮಾರ್‌ ನಲ್ಲಿ ಪ್ರಜಾಪ್ರಭುತ್ವದ ಪರಿವರ್ತನೆಯ ಪ್ರಕ್ರಿಯೆಗೆ ಭಾರತ ಯಾವಾಗಲೂ ಬೆಂಬಲ ನೀಡುತ್ತಿದೆ. ಕಾನೂನಿನ ನಿಯಮ ಮತ್ತು ಪ್ರಜಾಪ್ರಭುತ್ವ ಪ್ರಕ್ರಿಯೆಯನ್ನು ಎತ್ತಿಹಿಡಿಯಬೇಕು ಎಂದು ನಾವು ನಂಬುತ್ತೇವೆ. ನಾವು ಪರಿಸ್ಥಿತಿಯನ್ನು ಸೂಕ್ಷ್ಮವಾಗಿ ಗಮನಿಸುತ್ತಿದ್ದೇವೆ,  ಎಂದು ವಿದೇಶಾಂಗ ಸಚಿವಾಲಯ (ಎಂಇಎ) ಪತ್ರಿಕಾ ಹೇಳಿಕೆಯಲ್ಲಿ ತಿಳಿಸಿದೆ.

We have noted the developments in Myanmar with deep concern. India has always been steadfast in its support to the process of democratic transition in Myanmar. We believe that the rule of law and the democratic process must be upheld. We are monitoring the situation closely: MEA pic.twitter.com/annipyQAh8

— ANI (@ANI) February 1, 2021

ಪ್ರಜಾಪ್ರಭುತ್ವವನ್ನು ಪುನಃಸ್ಥಾಪಿಸಲು ಮ್ಯಾನ್ಮಾರ್‌ ನಲ್ಲಿ ನಡೆದ ದಂಗೆ ಮತ್ತು ರಾಜ್ಯ ಉನ್ನತ ಕೌನ್ಸಿಲರ್ ಆಂಗ್ ಸಾನ್ ಸೂಕಿ ಸೇರಿದಂತೆ ದೇಶದ ಉನ್ನತ ರಾಜಕೀಯ ನಾಯಕರನ್ನು ಮಿಲಿಟರಿ ಆಡಳಿತ ಮಂಡಳಿಯು ಬಂಧಿಸಿರುವ ಬಗ್ಗೆ ಆತಂಕಗೊಂಡ ಅಮೆರಿಕ ಕೂಡ ಪರಿಸ್ಥಿತಿಯನ್ನು ಸೂಕ್ಷ್ಮವಾಗಿ ಗಮನಿಸುತ್ತಿದೆ ಮತ್ತು ಸರಿಪಡಿಸುವ ಕ್ರಮಗಳನ್ನು ತೆಗೆದುಕೊಳ್ಳದಿದ್ದರೆ ಅನಿರ್ದಿಷ್ಟ ಕ್ರಮ ಕೈಗೊಳ್ಳುವುದಾಗಿ ಬೆದರಿಕೆ ಹಾಕಿದೆ ಎಂದು ವರದಿಯಾಗಿದೆ.

ಇನ್ನು, ಬರ್ಮಾದಲ್ಲಿ ರಾಜ್ಯ ಕೌನ್ಸಿಲರ್ ಆಂಗ್ ಸಾನ್ ಸೂಕಿ ಮತ್ತು ಇತರ ನಾಗರಿಕ ಅಧಿಕಾರಿಗಳ ಬಂಧನ ಸೇರಿದಂತೆ ದೇಶದ ಪ್ರಜಾಪ್ರಭುತ್ವ ಸ್ಥಿತ್ಯಂತರವನ್ನು ಹಾಳುಮಾಡಲು ಬರ್ಮೀಸ್ ಮಿಲಿಟರಿ ಕ್ರಮ ಕೈಗೊಂಡಿದೆ ಎಂಬ ವರದಿಗಳಿಂದ ಯುನೈಟೆಡ್ ಸ್ಟೇಟ್ಸ್ ಗಾಬರಿಗೊಂಡಿದೆ” ಎಂದು ಶ್ವೇತಭವನದ ಪತ್ರಿಕಾ ಕಾರ್ಯದರ್ಶಿ ಜೆನ್ ಸಾಕಿ ಹೇಳಿದ್ದಾರೆ.

The US is alarmed by reports that Burmese military has taken steps to undermine country’s democratic transition, including arrest of State Counselor Aung San Suu Kyi & other civilian officials in Burma. President Biden has been briefed by NSA: White House Spokesperson Jen Psaki pic.twitter.com/TIeKNVDinH

— ANI (@ANI) February 1, 2021

ಓದಿ : ಹೋಟೆಲ್ ನಲ್ಲಿ ಕುಳಿತಿದ್ದ ಯುವತಿಗೆ ಹಳೆಯ ಗೆಳೆಯನ ಗ್ಯಾಂಗ್ ನ ದಾಳಿ: ಚೂರಿ ಇರಿತ

“ನಾವು ಬರ್ಮಾದ ಪ್ರಜಾಪ್ರಭುತ್ವ ಸಂಸ್ಥೆಗಳಿಗೆ ನಮ್ಮ ಬಲವಾದ ಬೆಂಬಲವನ್ನು ನೀಡುತ್ತಲೇ ಇದ್ದೇವೆ ಮತ್ತು ನಮ್ಮ ಪ್ರಾದೇಶಿಕ ಪಾಲುದಾರರ ಸಹಕಾರದೊಂದಿಗೆ ಮಿಲಿಟರಿ ಮತ್ತು ಇತರ ಎಲ್ಲ ಪಕ್ಷಗಳು ಪ್ರಜಾಪ್ರಭುತ್ವದ ರೂಪುರೇಷೆಗಳನ್ನು  ಮತ್ತು ಕಾನೂನಿನ ನಿಯಮಗಳನ್ನು ಪಾಲಿಸಬೇಕೆಂದು ಒತ್ತಾಯಿಸುತ್ತೇವೆ ಹಾಗೂ ಇಂದು ಬಂಧನಕ್ಕೊಳಗಾದವರನ್ನು ಬಿಡುಗಡೆ ಮಾಡಬೇಕು” ಎಂದು ಸಾಕಿ ಹೇಳಿದ್ದಾರೆ.

“ನಾವು ಪರಿಸ್ಥಿತಿಯನ್ನು ಸೂಕ್ಷ್ಮವಾಗಿ ಗಮನಿಸುತ್ತಿದ್ದೇವೆ ಮತ್ತು ಬರ್ಮಾದ ಜನರೊಂದಿಗೆ ನಿಲ್ಲುತ್ತೇವೆ, ಎಂದು ಪ್ಸಾಕಿ ಹೇಳಿದರು. ಬರ್ಮೀಸ್ ಮಿಲಿಟರಿ ರಾಜ್ಯ ಕೌನ್ಸಿಲರ್ ಸೂಕಿ ಮತ್ತು ನಾಗರಿಕ ಸಮಾಜದ ಮುಖಂಡರು ಸೇರಿದಂತೆ ಅನೇಕ ನಾಗರಿಕ ಸರ್ಕಾರಿ ನಾಯಕರನ್ನು ವಶಕ್ಕೆ ಪಡೆದಿದೆ ಎಂಬ ವರದಿಗಳ ಬಗ್ಗೆ ಯುನೈಟೆಡ್ ಸ್ಟೇಟ್ಸ್ ತೀವ್ರ ಕಳವಳ ಮತ್ತು ಎಚ್ಚರಿಕೆ ವ್ಯಕ್ತಪಡಿಸಿದೆ ಎಂದು ಯು ಎಸ್ ವಿದೇಶಾಂಗ ಕಾರ್ಯದರ್ಶಿ ಟೋನಿ ಬ್ಲಿಂಕೆನ್, ಅಮೇರಿಕಾದ  ಅಧ್ಯಕ್ಷ ಜೋ ಬಿಡನ್ ಅವರಿಗೆ ರಾಷ್ಟ್ರೀಯ ಭದ್ರತಾ ಸಲಹೆಗಾರ ಜೇಕ್ ಸುಲ್ಲಿವಾನ್ ವಿವರಿಸಿದ್ದಾರೆ ಎಂದು ಅವರು  ಹೇಳಿದ್ದಾರೆ.

ಮ್ಯಾನ್ಮಾರ್‌ ನ ಮಿಲಿಟರಿ ಒಡೆತನದ ಮೈವಾಡಿ ಟಿವಿಯಲ್ಲಿ ಅನೌನ್ಸರ್ ಸೋಮವಾರ(ಫೆ. 1) ಬೆಳಿಗ್ಗೆ ಮಿಲಿಟರಿ ದೇಶದ ಮೇಲೆ ಹಿಡಿತ ಸಾಧಿಸಿದೆ ಎಂದು ಘೋಷಿಸಿದ ನಂತರ ಈ ಪ್ರತಿಕ್ರಿಯೆಗಳು ಬಂದಿವೆ. ಮುಂಜಾನೆ ನಡೆದ ದಾಳಿಯಲ್ಲಿ ಸೂಕಿ ಮತ್ತು ಆಡಳಿತ ಪಕ್ಷದ ಇತರ ಹಿರಿಯ ವ್ಯಕ್ತಿಗಳನ್ನು ವಶಕ್ಕೆ ಪಡೆಯಲಾಗಿದೆ ಎಂದು ಆಡಳಿತದ ರಾಷ್ಟ್ರೀಯ ಲೀಗ್ ಫಾರ್ ಡೆಮಾಕ್ರಸಿ (ಎನ್‌ಎಲ್‌ಡಿ) ವಕ್ತಾರರು ತಿಳಿಸಿದ್ದಾರೆ.

2015 ರಲ್ಲಿ ಅವರ ಪಕ್ಷವು ಭರ್ಜರಿ ಜಯ ಸಾಧಿಸಿದಾಗಿನಿಂದ, 75 ವರ್ಷದ ಶಾಂತಿ ನೊಬೆಲ್ ಪ್ರಶಸ್ತಿ ವಿಜೇತ ಸೂಕಿ ಮ್ಯಾನ್ಮಾರ್‌ ನ ನಾಯಕಿಯಾಗಿದ್ದರು, ರಾಜ್ಯ ಸಲಹೆಗಾರ ಸ್ಥಾನವನ್ನು ಅಲಂಕರಿಸಿದ್ದರು. ಆದರೆ ಇತ್ತೀಚಿನ ವರ್ಷಗಳಲ್ಲಿ ಮ್ಯಾನ್ಮಾರ್‌ ನ ಮುಸ್ಲಿಂ ರೋಹಿಂಗ್ಯಾ ಜನಸಂಖ್ಯೆಯ ವಿರುದ್ಧದ ನರಮೇಧದ ಆರೋಪದಿಂದ ಆಕೆಯ ಅಂತರರಾಷ್ಟ್ರೀಯ ಖ್ಯಾತಿಗೆ ಸ್ವಲ್ಪ ಮಟ್ಟಿಗೆ ಧಕ್ಕೆ ಉಂಟಾಗಿತ್ತು.

ಓದಿ : Live Update: ಕೇಂದ್ರ ಬಜೆಟ್ ಗೆ ಕ್ಷಣಗಣನೆ: ಈ ಬಾರಿಯ ಬಜೆಟ್ ವೈಶಿಷ್ಟ್ಯವೇನು?