‘ಪ್ರಿಯ ಸ್ನೇಹಿತ ಮೋದಿಗೆ ಹೃದಯದಾಳದ ಅಭಿನಂದನೆ’ ಹೇಳಿದ ಇಸ್ರೇಲ್‌ PM ನೆತನ್ಯಾಹು

Team Udayavani, May 23, 2019, 2:30 PM IST

ಜೆರುಸಲೇಂ : 2019ರ ಲೋಕಸಭಾ ಚುನಾವಣೆಯಲ್ಲಿ ಪ್ರಧಾನಿ ಮೋದಿ ನೇತೃತ್ವದ ಎನ್‌ಡಿಎ ಮೈತ್ರಿ ಕೂಟ ಪ್ರಚಂಡ ಬಹುಮತದತ್ತದ ನಾಗಾಲೋಟ ನಡೆಸುತ್ತಿರುವಂತೆಯೇ ಇಸ್ರೇಲ್‌ ಪ್ರಧಾನಿ ಬೆಂಜಮಿನ್‌ ನೆತನ್ಯಾಹು ಅವರು ಪ್ರಧಾನಿ ನರೇಂದ್ರ ಮೋದಿ ಅವರನ್ನು ಅಭಿನಂದಿಸಿರುವ ವಿಶ್ವದ ಮೊತ್ತ ಮೊದಲ ನಾಯಕ ಎನಿಸಿದ್ದಾರೆ.

ಮೋದಿ ಅವರ ಪ್ರಚಂಡ ವಿಜಯದಿಂದ ಉಭಯತರ ನಡುವಿನ ಸ್ನೇಹ, ಸೌಹಾರ್ದದ ಸಂಬಂಧ ಇನ್ನಷ್ಟು ಗಟ್ಟಿಯಾಗುವುದೆಂಬ ವಿಶ್ವಾಸವನ್ನು ನೆತನ್ಯಾಹು ವ್ಯಕ್ತಪಡಿಸಿದ್ದಾರೆ.

ಪ್ರಕೃತ 292 ಸೀಟುಗಳಲ್ಲಿ ಮುನ್ನಡೆ ಹೊಂದಿರುವ ಬಿಜೆಪಿ, ತನ್ನ ಸ್ವಂತ ನೆಲೆಯಲ್ಲಿ ಅಧಿಕಾರಕ್ಕೆ ಬರುವುದು ಖಚಿತವಿದೆ; ಕಾಂಗ್ರೆಸ್‌ ಪ್ರಕೃತ 51 ಸೀಟುಗಳಲ್ಲಿ ಮುನ್ನಡೆ ಹೊಂದಿದೆ. ಒಟ್ಟು 542 ಲೋಕಸಭಾ ಸೀಟುಗಳಿಗೆ ಚುನಾವಣೆ ನಡೆದಿದೆ.

ನೆತನ್ಯಾಹು ಅವರು ಹಿಬ್ರೂ ಮತ್ತು ಹಿಂದಿ ಭಾಷೆಯಲ್ಲಿ ಬರೆದಿರುವ ಟ್ವೀಟ್‌ ನಲ್ಲಿ ” ಚುನಾವಣೆಯಲ್ಲಿ ಭರ್ಜರಿ ವಿಜಯ ಸಾಧಿಸಿರುವ ನನ್ನ ಸ್ನೇಹಿತನಿಗೆ ಹೃದಯದಾಳಧ ಅಭಿನಂನೆಗಳು’ ಎಂದು ಬರೆದಿದ್ದಾರೆ.