ಇನ್ನು ನೆಟ್‌ಫ್ಲಿಕ್ಸ್‌ನಲ್ಲೂ ಜಾಹೀರಾತು ಪ್ರಸಾರ!

Team Udayavani, Oct 15, 2022, 6:30 AM IST

ವಾಷಿಂಗ್ಟನ್‌: ಇದುವೆರೆಗೂ ಯಾವುದೇ ಜಾಹೀರಾತು ಇಲ್ಲದೇ ಸರಾಗವಾಗಿ ನೆಟ್‌ಫ್ಲಿಕ್ಸ್‌ನಲ್ಲಿ ಸಿನಿಮಾ ಸೇರಿದಂತೆ ಮನರಂಜನೆ ಕಾರ್ಯಕ್ರಮಗಳನ್ನು ವೀಕ್ಷಿಸುತ್ತಿದ್ದ ಗ್ರಾಹಕರಿಗೆ ಇನ್ನು ಮುಂದೆ ಜಾಹೀರಾತು ಕಾಣಿಸಿಕೊಳ್ಳಲಿದೆ.

ಆದರೆ ಮಾಸಿಕ ಪ್ಯಾಕೇಜ್‌ ಶುಲ್ಕವನ್ನು ನೆಟ್‌ಫ್ಲಿಕ್ಸ್‌ ತಗ್ಗಿಸಿದೆ. ಸದ್ಯ ಇದು ಭಾರತಕ್ಕೆ ಅನ್ವಯವಾಗುವುದಿಲ್ಲ. ಆದರೆ ಮುಂದಿನ ದಿನಗಳಲ್ಲಿ ಭಾರತಕ್ಕೆ ಈ ಪ್ಲ್ಯಾನ್ ಗಳು ಜಾರಿಯಾಗಲಿವೆ ಎನ್ನಲಾಗಿದೆ.

ಇನ್ನು ನೆಟ್‌ಫ್ಲಿಕ್ಸ್‌ನಲ್ಲಿ ಸಿನಿಮಾ ಅಥವಾ ಕಾರ್ಯಕ್ರಮ ಪ್ರದರ್ಶನಕ್ಕೂ ಮುನ್ನ ಮತ್ತು ನಂತರ 15 ಅಥವಾ 30 ಸೆಕೆಂಡ್‌ಗಳ ಜಾಹೀರಾತು ಪ್ರಸಾರವಾಗಲಿದೆ.

ಈ ಪ್ಲ್ಯಾನ್ ಗಳು ಆಸ್ಟ್ರೇಲಿಯ, ಬ್ರೆಜಿಲ್‌, ಬ್ರಿಟನ್‌, ಕೆನಡಾ, ಫ್ರಾನ್ಸ್‌, ಜರ್ಮನಿ, ಇಟಲಿ, ಜಪಾನ್‌, ದಕ್ಷಿಣ ಕೊರಿಯಾ, ಮೆಕ್ಸಿಕೊ, ಸ್ಪೇನ್‌, ಅಮೆರಿಕಕ್ಕೆ ಅನ್ವಯವಾಗಲಿದೆ.

ಈ ದೇಶಗಳಲ್ಲಿ ಈ ಹಿಂದೆ ಬೇಸಿಕ್‌ ಪ್ಲ್ಯಾನ್ ಗೆ ಮಾಸಿಕ ಶುಲ್ಕ 9.99 ಡಾಲರ್‌ ಇದ್ದದ್ದು, ಪ್ರಸ್ತುತ 6.99 ಡಾಲರ್‌ಗೆ ಇಳಿಕೆ ಮಾಡಲಾಗಿದೆ.