15 ಅಪೂರ್ವ ಕಲಾಕೃತಿಗಳು ಭಾರತಕ್ಕೆ ಹಸ್ತಾಂತರ

Team Udayavani, Apr 2, 2023, 7:30 AM IST

ನ್ಯೂಯಾರ್ಕ್‌: ಅಮೆರಿಕದ ನ್ಯೂಯಾರ್ಕ್‌ನಲ್ಲಿರುವ ಮೆಟ್ರೊಪಾಲಿಟನ್‌ ಕಲಾ ಸಂಗ್ರಹಾಲಯವು 15 ಅಪೂರ್ವ ಕಲಾಕೃತಿಗಳನ್ನು ಭಾರತಕ್ಕೆ ಹಿಂತಿರುಗಿಸಲಿದೆ.

ಪ್ರಸ್ತುತ ಭಾರತದ ಜೈಲಿನಲ್ಲಿರುವ ಸುಭಾಷ್‌ ಕಪೂರ್‌ ಎಂಬಾತ ಕಳ್ಳಸಾಗಣೆ ಮಾಡಲಾಗಿದ್ದ ಈ ಕಲಾಕೃತಿಗಳನ್ನು ಅಕ್ರಮವಾಗಿ ಮಾರಾಟ ಮಾಡಿದ್ದ.

“ಈ ಕಲಾಕೃತಿಗಳು ಕ್ರಿ.ಪೂ. 1ನೇ ಶತಮಾನದಿಂದ ಕ್ರಿ.ಶ. 11 ಶತಮಾನದವರೆಗೆ ಸೇರಿದ್ದಾಗಿದೆ. ಟೆರಾಕೋಟಾ, ತಾಮ್ರ ಮತ್ತು ಕಲ್ಲಿನಿಂದ ಈ ಕಲಾಕೃತಿಗಳನ್ನು ತಯಾರಿಸಲಾಗಿದೆ. ಎಲ್ಲಾ 15 ಕಲಾಕೃತಿಗಳನ್ನು ಭಾರತ ಸರ್ಕಾರಕ್ಕೆ ಹಸ್ತಾಂತರಿಸಲಾಗುವುದು,’ ಎಂದು ನ್ಯೂಯಾರ್ಕ್‌ ಮೆಟ್ರೊಪಾಲಿಟನ್‌ ಕಲಾ ಸಂಗ್ರಹಾಲಯ ತಿಳಿಸಿದೆ.

2015ರಲ್ಲಿ ಈ ಕಲಾಕೃತಿಗಳನ್ನು ಸುಭಾಷ್‌ ಕಪೂರ್‌ ಅಕ್ರಮವಾಗಿ ಅಮೆರಿಕದ ಡೀಲರ್‌ಗೆ ಮಾರಾಟ ಮಾಡಿದ್ದ. ಅಮೆರಿಕದ ಹೋಮ್‌ಲ್ಯಾಂಡ್‌ ಸೆಕ್ಯುರಿಟಿ ಪೊಲೀಸರು ಸುಭಾಷ್‌ ಕಪೂರ್‌ನ ವಿಚಾರಣೆ ನಡೆಸಿದಾಗ, ಅಕ್ರಮವಾಗಿ ಮಾರಾಟ ಮಾಡಿರುವುದು ಪತ್ತೆಯಾಗಿದೆ.