ಮೆಕ್ಸಿಕೋ: ಮಾದಕ ದ್ರವ್ಯ ಕಳ್ಳಸಾಗಾಣೆದಾರರ ಶೂಟೌಟ್-ಒಂಬತ್ತು ಅಮೆರಿಕನ್ ಪ್ರಜೆಗಳ ಹತ್ಯೆ

Team Udayavani, Nov 6, 2019, 6:52 PM IST

ವಾಷಿಂಗ್ಟನ್: ಮಾದಕ ದ್ರವ್ಯ ಕಳ್ಳಸಾಗಾಣಿಕೆದಾರರ ಅಟ್ಟಹಾಸಕ್ಕೆ ಅಮೆರಿಕದ ಮಹಿಳೆಯರು, ಮಕ್ಕಳು ಸೇರಿದಂತೆ ಒಂಬತ್ತು ಮಂದಿಯನ್ನು ಗನ್ ಮ್ಯಾನ್ ಹತ್ಯೆಗೈದಿರುವ ಘಟನೆ ಮೆಕ್ಸಿಕೋದಲ್ಲಿ ನಡೆದಿದೆ. ಈ ಹಿನ್ನೆಲೆಯಲ್ಲಿ ಮಾದಕ ದ್ರವ್ಯ ಕಳ್ಳಸಾಗಾಣಿಕೆದಾರ ಹುಟ್ಟಡಗಿಸಲು ನೆರವು ನೀಡಬೇಕೆಂದು ಅಮೆರಿಕ ಅಧ್ಯಕ್ಷ ಡೋನಾಲ್ಡ್ ಟ್ರಂಪ್ ಮನವಿ ಮಾಡಿಕೊಂಡಿರುವುದಾಗಿ ವರದಿ ತಿಳಿಸಿದೆ.

ಉತ್ತರ ಅಮೆರಿಕದ ಪರ್ವತ ಪ್ರದೇಶಗಳ ತಪ್ಪಲಲ್ಲಿ ದಶಕಗಳ ಹಿಂದೆಯೇ ವಾಸವಾಗಿದ್ದ ಮೋರ್ಮಮೊನ್ ಸಮುದಾಯದ ಸದಸ್ಯರ ಮೇಲೆ ಹಾಡಹಗಲೇ ಈ ಪೈಶಾಚಿಕ ದಾಳಿ ನಡೆದಿದೆ ಎಂದು ವರದಿ ವಿವರಿಸಿದೆ.

ಚಿಹುವಾವಾ ಮತ್ತು ಸೋನೋರಾ ರಾಜ್ಯಗಳ ಗಡಿಯಲ್ಲಿ ಮಾದಕ ದ್ರವ್ಯ, ವಸ್ತುಗಳ ಕಳ್ಳಸಾಗಾಣಿಕೆದಾರರ ಜಾಲ ಸಕ್ರಿಯವಾಗಿದ್ದು, ಜನರನ್ನು ಹತ್ಯೆಗೈಯುವುದು ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿರುವುದಾಗಿ ವರದಿ ತಿಳಿಸಿದೆ.