North Korea vs South Korea: ಮತ್ತೆ ಬಲೂನ್‌ವಾರ್‌

Team Udayavani, Oct 25, 2024, 6:56 AM IST

ಸಿಯೋಲ್‌: ಉತ್ತರ ಕೊರಿಯಾ ಮತ್ತು ದಕ್ಷಿಣ ಕೊರಿಯಾ ನಡುವಿನ ಬಲೂನ್‌ ವಾರ್‌ ಮುಂದುವರಿದಿದೆ. ಗುರುವಾರ ದ.ಕೊರಿಯಾ ರಾಜಧಾನಿ ಸಿಯೋಲ್‌ನಲ್ಲಿರುವ ಅಧ್ಯಕ್ಷರ ಕಚೇರಿ ಆವರಣದಲ್ಲೇ ಗಲೀಜು ತುಂಬಿದ್ದ ಬಲೂನೊಂದು ಬಿದ್ದಿದೆ.

ಇದರಲ್ಲಿ ಅಪಾಯಕಾರಿಯಾದ ಯಾವುದೇ ವಸ್ತುಗಳಿರಲಿಲ್ಲ ಎಂದು ತಿಳಿದುಬಂದಿದೆ. ಈ ವರ್ಷ ಮೇ ತಿಂಗಳಿಂದಲೇ ಎರಡೂ ದೇಶಗಳ ನಡುವೆ ಗಲೀಜು ತುಂಬಿದ ಬಲೂನ್‌ ಹಾರಿಬಿಡುವ ಘಟನೆಗಳು ನಡೆಯುತ್ತಿವೆ. ಜುಲೈಯಲ್ಲೂ ಒಮ್ಮೆ ದ. ಕೊರಿಯಾ ಅಧ್ಯಕ್ಷರ ಕಚೇರಿ ಆವರಣ ದಲ್ಲಿ ಉ.ಕೊರಿಯಾದ ಬಲೂನ್‌ ಬಿದ್ದಿತ್ತು. 2ನೇ ಬಾರಿಗೆ ನಡೆದ ಘಟನೆಯಿಂದ ದ.ಕೊರಿಯಾದಲ್ಲಿ ತುಸು ಆತಂಕ ಉಂಟಾಗಿದೆ. ಇತ್ತೀಚೆಗೆ ಎರಡೂ ದೇಶಗಳ ನಡುವೆ ವಾಕ್ಸಮರ ನಡೆದಿತ್ತು.

ದ.ಕೊರಿಯಾ ತನ್ನ ದೇಶಕ್ಕೆ ಕರಪತ್ರಗಳನ್ನು ಡ್ರೋನ್‌ ಮೂಲಕ ಇಳಿಬಿಟ್ಟಿದೆ ಎಂದು ಉ.ಕೊರಿಯಾ ಆರೋಪಿಸಿತ್ತು. ಅದರ ನಡುವೆಯೇ ಈ ಬೆಳವಣಿಗೆ ನಡೆದಿದೆ. ಈ ಘಟನೆ ನಡೆದ ಸಮಯದಲ್ಲಿ ದಕ್ಷಿಣ ಕೊರಿಯಾ ಅಧ್ಯಕ್ಷರು ಮನೆಯಲ್ಲಿ ಇದ್ದರೇ ಇಲ್ಲವೇ ಎಂಬುದರ ಮಾಹಿತಿ ಲಭ್ಯವಾಗಿಲ್ಲ.