ಭಾರತದ ಪೈಲಟ್ ಎಂದು ತಿಳಿದು ಪಾಕ್ ಪೈಲಟ್ ನನ್ನೇ ಕೊಂದ PAK ನಾಗರಿಕರು!

Team Udayavani, Mar 2, 2019, 6:06 AM IST

ಇಸ್ಲಾಮಾಬಾದ್:ಪಾಕಿಸ್ತಾನ ಸೇನೆ ಗಡಿಯಲ್ಲಿ ಸದಾ ಪುಂಡಾಟ ನಡೆಸುವ ಮೂಲಕ ಅಟ್ಟಹಾಸಗೈಯುತ್ತಿರುತ್ತದೆ. ಏತನ್ಮಧ್ಯೆ ಭಾರತದ ಮೇಲೆ ದಾಳಿ ನಡೆಸಲು ಬಂದಿದ್ದ ಪಾಕ್ ನ ಎಫ್ 16 ವಿಮಾನವೊಂದನ್ನು ಭಾರತೀಯ ವಾಯುಪಡೆಯ ವಿಂಗ್ ಕಮಾಂಡರ್ ಅಭಿನಂದನ್ ಹೊಡೆದುರುಳಿಸುವಲ್ಲಿ ಯಶಸ್ವಿಯಾಗಿದ್ದರು. ಈ ವೇಳೆ ಪ್ಯಾರಾಚೂಟ್ ನಿಂದ ಕೆಳಕ್ಕೆ ಹಾರಿದ್ದ ಪಾಕ್ ಪೈಲಟ್ ನನ್ನು ಭಾರತೀಯ ಪೈಲಟ್ ಎಂದು ಭಾವಿಸಿ ನಾಗರಿಕರೇ ಹೊಡೆದು ಕೊಂದು ಹಾಕಿರುವ ಘಟನೆ ತಡವಾಗಿ ಬೆಳಕಿಗೆ ಬಂದಿದೆ.

ಧ್ವಂಸಗೊಂಡ ಎಫ್ 16ನಿಂದ ಹೊರ ಹಾರಿದ್ದ ಪಾಕ್ ಪೈಲಟ್ ಅರೆಪ್ರಜ್ಞಾವಸ್ಥೆಯಲ್ಲಿ ಕೆಳಕ್ಕೆ ಬಿದ್ದಿದ್ದ ಎಂದು ವರದಿ ತಿಳಿಸಿದೆ. ಈ ವೇಳೆ ಗುಂಪುಗೂಡಿ ಬಂದ ಪಾಕಿಸ್ತಾನದ ಸ್ಥಳೀಯರು ಮಾರಣಾಂತಿಕವಾಗಿ ಹೊಡೆದ ಪರಿಣಾಮ ಸಾವನ್ನಪ್ಪಿದ್ದ. ಆತ ಪಾಕಿಸ್ತಾನಿ ಎಂಬ ಸತ್ಯ ತಿಳಿಯುಷ್ಟರಲ್ಲಿ ಪೈಲಟ್ ಕೊನೆಯುಸಿರೆಳೆದಿದ್ದ.

ಭಾರತ ಮತ್ತು ಪಾಕ್ ನಡುವೆ ತಿಕ್ಕಾಟ ನಡೆಯುತ್ತಿದ್ದ ಸಂದರ್ಭದಲ್ಲಿ ಪಾಕಿಸ್ತಾನ ಆರಂಭಿಕವಾಗಿ ತನ್ನ ಬಳಿ ಭಾರತೀಯ ವಾಯುಪಡೆಯ ಇಬ್ಬರು ಪೈಲಟ್ ಗಳು ವಶದಲ್ಲಿರುವುದಾಗಿ ತಿಳಿಸಿದ್ದರು. ಬಳಿಕ ಪಾಕಿಸ್ತಾನದ ಅಧಿಕಾರಿಗಳು ಮನದಟ್ಟಾಗಿತ್ತಂತೆ, ಅದರಲ್ಲಿ ಒಬ್ಬಾತ ತಮ್ಮ ಪೈಲಟ್ ಎಂಬುದಾಗಿ. ತದನಂತರ ಭಾರತದ ಅಭಿನಂದನ್ ಮಾತ್ರ ತಮ್ಮ ವಶದಲ್ಲಿ ಇದ್ದಿರುವುದಾಗಿ ಪಾಕ್ ಅಧಿಕೃತವಾಗಿ ಘೋಷಿಸಿತ್ತು. ಕೊನೆಗೆ ಭಾರತದ ಹಾಗೂ ಅಂತಾರಾಷ್ಟ್ರೀಯ ಒತ್ತಡಕ್ಕೆ ಮಣಿದಿದ್ದ ಪಾಕಿಸ್ತಾನ ಶುಕ್ರವಾರ ಅಭಿನಂದನ್ ಅವರನ್ನು ಭಾರತಕ್ಕೆ ಹಸ್ತಾಂತರಿಸಿತ್ತು.