ಖಾಸಗಿ ಪಾರ್ಟಿಯಲ್ಲಿ ನರ್ತಿಸಲು ಒಪ್ಪದ ಪಾಕ್‌ ನಟಿಯ ಕಗ್ಗೊಲೆ

Team Udayavani, Feb 6, 2018, 3:45 PM IST

ಇಸ್ಲಾಮಾಬಾದ್‌ : ಹೈ ಪ್ರೊಫೈಲ್‌ ಪಾರ್ಟಿಯೊಂದರಲ್ಲಿ ನರ್ತಿಸಲು ನಿರಾಕರಿಸಿದ ಕಾರಣಕ್ಕೆ ಪಾಕಿಸ್ಥಾನದ 25ರ ಹರೆಯದ ಜನಪ್ರಿಯ ನಟಿ ಮತ್ತು ಗಾಯಕಿ ಸುಂಬೂಲ್‌ ಖಾನ್‌ ಅವರನ್ನು ಅವರ ನಿವಾಸದಲ್ಲೇ ನಿನ್ನೆ ಸೋಮವಾರ ಅಪರಿಚಿತ ದುಷ್ಕರ್ಮಿಗಳು ಗುಂಡಿಕ್ಕಿ ಕೊಂದಿದ್ದಾರೆ.

ಶೇಖ್‌ ಮಲ್‌ತೂನ್‌ ಟೌನ್‌ನಲ್ಲಿನ ನಿವಾಸಕ್ಕೆ ನುಗ್ಗಿ ಮೂವರು ಬಂದೂಕುಧಾರಿ ದುಷ್ಕರ್ಮಿಗಳು ನಟಿ, ಗಾಯಕಿ ಸುಂಬೂಲ್‌ ಖಾನ್‌ ಳನ್ನು ಗುಂಡಿಕ್ಕಿ ಕೊಂದರು ಎಂದು ಡಾನ್‌ ವರದಿ ತಿಳಿಸಿದೆ.

ಸುಂಬೂಲ್‌ ಖಾನ್‌ ಮನೆಗೆ ನುಗ್ಗಿದ ದುಷ್ಕರ್ಮಿಗಳು, “ಗಣ್ಯಾತಿಗಣ್ಯರ ಹೈ ಪ್ರೊಫೈಲ್‌ ಪಾರ್ಟಿಯಲ್ಲಿ ನರ್ತಿಸುವುದಿದೆ; ನಮ್ಮೊಂದಿಗೆ ಈಗಲೇ ಬಾ’ ಎಂದು ಹೇಳಿದಾಗ ಆಕೆ ಬರಲೊಲ್ಲೆ ಎಂದು ನೇರವಾಗಿ ಹೇಳಿದಳು. ಸಿಟ್ಟಿಗೆದ್ದ ದುಷ್ಕರ್ಮಿಗಳು ಕೂಡಲೇ ತಮ್ಮ ಬಂದೂಕಿನಿಂದ ಗುಂಡು ಹಾರಿಸಿ ಸುಂಬೂಲ್‌ ಖಾನ್‌ಳನ್ನು ಕೊಂದು ಮುಗಿಸಿದರು ಎಂದು ಡಾನ್‌ ವರದಿ ಹೇಳಿದೆ.

ಪೊಲೀಸರು ಈಗ ಈ ಅಪರಿಚಿತ ಕೊಲೆಗಾರರಿಗಾಗಿ ಹುಡುಕಾಡುತ್ತಿದ್ದಾರೆ.ಈ ಕೊಲೆ ಪ್ರಕರಣದಲ್ಲಿ ಮಾಜಿ ಪೊಲೀಸ್‌ ಸಿಬಂದಿ ನಯೀಮ್‌ ಖಟ್ಟಕ್‌ ಎಂಬಾತನು ಓರ್ವ ಆರೋಪಿಯಾಗಿದ್ದಾನೆ. ಆತನನ್ನು ಪೊಲೀಸರು ಘಟನೆಯ ಬೆನ್ನಿಗೇ ಬಂಧಿಸಿದ್ದಾರೆ.