ಈ ಎರಡು ಸೀಟ್‌ ನನ್ನದು.. ಜನ ತುಂಬಿದ ಬಸ್‌ ನಲ್ಲಿ ಹಾಯಾಗಿ ಮಲಗಿದ ನಾಯಿ; ವಿಡಿಯೋ ವೈರಲ್

Team Udayavani, Oct 9, 2022, 2:26 PM IST

ನವದೆಹಲಿ: ಬಸ್‌ ನಲ್ಲಿ ಪ್ರಯಾಣಿಸುವಾಗ ಅಬ್ಬಾ ಒಂದು ಸೀಟ್‌ ಸಿಕ್ಕರೆ ಸಾಕೆಂದು ನಾವು ಅಂದುಕೊಳ್ಳುತ್ತೇವೆ. ಆದರೆ ಎಷ್ಟೋ ಬಾರಿ ಸೀಟ್‌ ಸಿಗುವುದೇ ಇಲ್ಲ. ಹಾಗೆ ನಿಂತುಕೊಂಡು ಸೀಟ್‌ ಖಾಲಿ ಆಗುವುದನ್ನೇ ಕಾಯುತ್ತ, ನೋಡುತ್ತಾ ನಿಲ್ಲುತ್ತೇವೆ. ಇಂಟರ್‌ ನೆಟ್‌ ನಲ್ಲಿ ನಾಯಿಯೊಂದು ಬಸ್‌ ನಲ್ಲಿ ಮಲಗಿರುವ ವಿಡಿಯೋವೊಂದು ಸಿಕ್ಕಾಪಟ್ಟೆ ವೈರಲ್‌ ಆಗಿದೆ.

ಅದು ಜನ ತುಂಬಿ ತುಳುಕುತ್ತಿರುವ ಬಸ್.‌ ಎಷ್ಟು ಜನರೆಂದರೆ ಸರಿಯಾಗಿ ನಿಂತುಕೊಳ್ಳಲು ಜನ ಒಬರನ್ನೊಬ್ಬರು ತಾಗಿಕೊಂಡು ನಿಂತಿದ್ದಾರೆ. ಮಾತು, ಜನಸಂದಣಿಯ ನಡುವೆ ಅಲ್ಲೊಂದು ನಾಯಿ ಹಾಯಾಗಿ ಸೀಟಿನಲ್ಲಿ ಮಲಗಿದೆ. ಎರಡು ಸೀಟ್‌ ಗಳನ್ನು ಅಕ್ರಮಿಸಿಕೊಂಡು ಉದ್ದವಾಗಿ ನಾಯಿ ಸೀಟಿನಲ್ಲಿ ಮಲಗಿರುವ ವಿಡಿಯೋ ಸೋಶಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗಿದೆ.

ಟ್ವಿಟರ್‌ ಬಳಕೆದಾರ ಸ್ಟೆಫಾನೊ ಎಸ್ ಮ್ಯಾಗಿ ಎಂಬುವವರು ಈ ವಿಡಿಯೋ ಹಂಚಿಕೊಂಡು, “ಜನ ಸಂದಣಿಯಿದೆ, ಆತ ಎರಡು ಸೀಟ್‌ ಗಳನ್ನು ಆಕ್ರಮಿಸಿಕೊಂಡಿದ್ದಾನೆ. ಆತನ ನಿದ್ರೆಗೆ ಯಾರೂ ಭಂಗ ತರಲಿಲ್ಲ” ಎಂದು ಬರೆದುಕೊಂಡಿದ್ದಾರೆ.

ಬುಧವಾರ( ಅ.5 ರಂದು) ಈ ವಿಡಿಯೋ ಹಂಚಿಕೊಂಡಿದ್ದು, 50 ಸಾವಿರಕ್ಕೂ ಹೆಚ್ಚಿನ ಮಂದಿ ವೀಕ್ಷಿಸಿದ್ದಾರೆ.

ನೆಟ್ಟಿಗರೊಬ್ಬರು ನಾಯಿಯ ನಿದ್ದೆಗೆ ಭಂಗ ತರದೇ ಹಾಗೆ ನಿಂತಿರುವ ಜನರಿಗೆ ಸೆಲ್ಯೂಟ್‌ ಎಂದಿದ್ದಾರೆ.

Although the wagon was crowded and he was occupying 2 seats, nobody disturbed his rest❣️

?via Karen Olave
?Laurasia Mattingly•Choose Kindness pic.twitter.com/mboB6Nj4KC

— Stefano S. Magi (@myworld2121) October 5, 2022