23ರಂದು ಜಗತ್ತು ಅಂತ್ಯ?

Team Udayavani, Apr 13, 2018, 7:00 AM IST

ವಾಷಿಂಗ್ಟ: ಕಳೆದ ವರ್ಷ ಸೆಪ್ಟಂಬರ್‌ 23ರಂದು ಪ್ರಪಂಚ ಪ್ರಳಯವಾಗುತ್ತದೆಂದು ಎಲ್ಲರಲ್ಲೂ ದಿಗಿಲು ಹುಟ್ಟಿಸಿದ್ದ ಕೆಲ ಪಾಶ್ಚಿ ಮಾತ್ಯ “ಕಾಲಜ್ಞಾನಿಗಳು’ ಈಗ ಅಂಥದ್ದೇ ಮತ್ತೂಂದು ಭೀತಿ ಹರಡಲೆತ್ನಿಸಿದ್ದಾರೆ. ಅವರ ಪ್ರಕಾರ, ಇದೇ ತಿಂಗಳ 23ರಂದು, ಅಂದರೆ, ವರನಟ ಡಾ.ರಾಜ್‌ ಕುಮಾರ್‌ ಹಾಗೂ ಸಚಿನ್‌ ತೆಂಡೂಲ್ಕರ್‌ ಅವರ ಹುಟ್ಟುಹಬ್ಬಕ್ಕೆ ಒಂದು ದಿನ ಮುಂಚಿತವೇ ಇಡೀ ಪ್ರಪಂಚ ನಾಶವಾಗಲಿದೆಯಂತೆ! 

ಆಧಾರವೇನು?: ಇದಕ್ಕೆ ಪಾಶ್ಚಿಮಾತ್ಯ ರಾಷ್ಟ್ರಗಳಲ್ಲಿರುವ “ಕಾನ್‌ಸ್ಪಿರೆಸಿ ಥಿಯರಿ’ ಎಂಬ ಸರಣಿ ಸಿದ್ಧಾಂತಗಳೇ ಕಾರಣ ಎಂದು ಹೇಳಲಾಗಿದೆ. ಪಶ್ಚಿಮ ರಾಷ್ಟ್ರಗಳಲ್ಲಿ ಜನರು ಬಲವಾಗಿ ನಂಬುವ ರಿವಿಲೇಷನ್‌ ಪುಸ್ತಕದಲ್ಲಿನ 12:1 -2ನ ಪ್ಯಾರಾದಲ್ಲಿ, ಪ್ರಸವ ವೇದನೆಯಲ್ಲಿ ನಿಂತಿರುವ ಹೆಣ್ಣೊಬ್ಬಳು ತನ್ನ ತಲೆಯ ಮೇಲೆ ಸೂರ್ಯನನ್ನೂ, ತನ್ನ ಕಾಲ ಕೆಳಗೆ ಚಂದ್ರನನ್ನೂ ಇರಿಸಿಕೊಂಡಿರುವ ಬಗ್ಗೆ ಪ್ರಸ್ತಾಪಿಸಲಾಗಿದೆ. ಇಲ್ಲಿ, ಆ ಹೆಣ್ಣು  ಕನ್ಯಾರಾಶಿಯ ಪ್ರತಿರೂಪ ಎಂದು ಹೇಳಿರುವುದರಿಂದ, ಸೂರ್ಯ, ಚಂದ್ರರು ಕನ್ಯಾರಾಶಿಗೆ ಪ್ರವೇಶಿಸಿದರೆ ಈಗಿರುವ ಜಗತ್ತು ಪ್ರಳಯವಾಗಿ ಹೊಸ ಜಗತ್ತು ಉದಯವಾಗುತ್ತದೆ. ಆಗ 2ನೇ ಬಾರಿಗೆ ಹುಟ್ಟಿಬರುವ ಯೇಸು ಕ್ರಿಸ್ತನನ್ನು ನವ ಜಗತ್ತು ನಗುತ್ತಾ ಸ್ವಾಗತಿಸುತ್ತದೆ ಎಂದು ಹೇಳಲಾಗಿದೆ ಎನ್ನಲಾಗಿದೆ.

ಈ ಹಿನ್ನೆಲೆಯಲ್ಲಿ, ಇದೇ ತಿಂಗಳ 23ರಂದು ಸೂರ್ಯ, ಚಂದ್ರರು ಕನ್ಯಾರಾಶಿ ಪ್ರವೇಶಿಸುತ್ತಿರುವುದರಿಂದ ಅಂದು ಪ್ರಳಯ ನಿಶ್ಚಿತ ಎಂದು ಹೇಳಲಾಗಿದೆ.