ಮೆಟ್ರೋ ದಾಳಿ: ಆರೋಪಿಯ ಚಿತ್ರ ಪ್ರಕಟಿಸಿದ ನ್ಯೂಯಾರ್ಕ್‌ ಪೊಲೀಸ್‌

Team Udayavani, Apr 14, 2022, 6:55 AM IST

ನ್ಯೂಯಾರ್ಕ್‌: ಮಂಗಳವಾರ ಬೆಳಗ್ಗೆ ಅಮೆರಿಕದ ನ್ಯೂಯಾರ್ಕ್‌ ನಗರದ ಬ್ರೂಕ್ಲಿನ್‌ನಲ್ಲಿನ ಮೆಟ್ರೋ ಟ್ರೈನಿನಲ್ಲಿ ಶೂಟೌಟ್‌ ನಡೆದಿತ್ತು. ಈ ಸಂಬಂಧ ನ್ಯೂಯಾರ್ಕ್‌ ಪೊಲೀಸರು ಶಂಕಿತ ಆರೋಪಿ ಫ್ರಾಂಕ್‌ ಆರ್‌. ಜೇಮ್ಸ್‌ (62) ಅವರ ಚಿತ್ರಗಳನ್ನು ಪ್ರಕಟಿಸಿದ್ದು, ಮಾಹಿತಿ ನೀಡಿದವರಿಗೆ 50,000 ಡಾಲರ್‌ ಬಹುಮಾನ ನೀಡುವುದಾಗಿ ಘೋಷಿಸಿದ್ದಾರೆ.

ಮಂಗಳವಾರ ಬೆಳಗ್ಗೆ ಮೆಟ್ರೋ ಟ್ರೈನ್‌ ಬ್ರೂಕ್ಲಿನ್‌ನ ಸುರಂಗಮಾರ್ಗ ಪ್ರವೇಶಿಸಿದ್ದಾಗ ವ್ಯಕ್ತಿಯೊಬ್ಬರು ದಟ್ಟವಾಗಿ ಹೊಗೆ ಕವಿಯುವಂತೆ ಮಾಡಿ ಗುಂಡು ಹಾರಿಸಿದ್ದರು. ಇದರಿಂದ 20ಕ್ಕೂ ಅಧಿಕ ಮಂದಿ ಗಾಯಗೊಂಡಿದ್ದರು.

ಇದನ್ನೂ ಓದಿ:ತಮಿಳುನಾಡಿನಲ್ಲಿ ಹಿಂದಿ ಹೇರಿಕೆಗೆ ಅವಕಾಶ ಇಲ್ಲ: ಅಣ್ಣಾಮಲೈ

ಈ ಪೈಕಿ 10 ಮಂದಿ ಗಂಭೀರವಾಗಿ ಗಾಯಗೊಂಡು ಆಸ್ಪತ್ರೆ ದಾಖಲಾಗಿದ್ದಾರೆ, ಪರಿಸ್ಥಿತಿ ನಿಯಂತ್ರಣದಲ್ಲಿದೆ. ಇನ್ನು 13 ಮಂದಿ ಉಸಿರಾಟದ ಸಮಸ್ಯೆ ಎದುರಿಸಿದ್ದಾರೆ. ಕೃತ್ಯ ಎಸಗಿದ ವ್ಯಕ್ತಿಗಾಗಿ ಪೊಲೀಸರು ತೀವ್ರ ಶೋಧ ನಡೆಸಿದ್ದಾರೆ.