ನಾಗಸಾಕಿ ಅಣುಬಾಂಬ್ ದಾಳಿಯಲ್ಲಿ ಬದುಕುಳಿದಿದ್ದ Postman ನಿಧನ

Team Udayavani, Aug 30, 2017, 12:58 PM IST

ಟೋಕಿಯೋ: 1945ರಂದು ಅಮೆರಿಕ ನಾಗಸಾಕಿ ಮೇಲೆ ಅಣುಬಾಂಬ್ ದಾಳಿ ನಡೆಸಿತ್ತು, ಈ ದಾಳಿಗೆ ಸಾವಿರಾರು ಮಂದಿ ಸಾವನ್ನಪ್ಪಿದ್ದರು. ಆದರೆ ಅದೃಷ್ಟವಶಾತ್ ಎಂಬಂತೆ ಪೋಸ್ಟ್ ಮ್ಯಾನ್ ಆಗಿ ಕಾರ್ಯನಿರ್ವಹಿಸುತ್ತಿದ್ದ ಸುಮಿಟೆರು ಟಾನಿಗುಚಿ ಭೀಕರ ಸುಟ್ಟಗಾಯಗಳಿಂದ ಬದುಕುಳಿದಿದ್ದರು. ಕ್ಯಾನ್ಸರ್ ನಿಂದ ಬಳಲುತ್ತಿದ್ದ ಸುಮಿಟೆರು ಬುಧವಾರ (88ವರ್ಷ) ನಿಧನರಾಗಿದ್ದಾರೆ.

ಕ್ಯಾನ್ಸರ್ ನಿಂದ ಬಳಲುತ್ತಿದ್ದ ಸುಮಿಟೆರು ಅವರು ಬುಧವಾರ ಜಪಾನ್ ನಗರದ ಆಸ್ಪತ್ರೆಯೊಂದರಲ್ಲಿ ಕೊನೆಯುಸಿರೆಳೆದಿರುವುದಾಗಿ ವರದಿ ವಿವರಿಸಿದೆ.

2ನೇ ವಿಶ್ವಯುದ್ಧ ನಡೆಯುತ್ತಿದ್ದ ವೇಳೆ ಸುಮಿಟೆರು 16 ವರ್ಷದ ಹುಡುಗನಾಗಿದ್ದರು, ಅಂದು ಬಾಂಬ್ ದಾಳಿ ನಡೆದಾಗ ಪೋಸ್ಟ್ ಮ್ಯಾನ್ ಆಗಿ ಕಾರ್ಯನಿರ್ವಹಿಸುತ್ತಿದ್ದರು. ಕಣ್ಣೆದುರೇ ಅಣು ಬಾಂಬ್ ದಾಳಿಯಾಗಿತ್ತು, ಸುಮಿಟೆರು ಅವರ ಹಿಂಭಾಗ(ಬೆನ್ನು) ಸುಟ್ಟು ಹೋಗಿತ್ತು. ಎಡಕೈ ಕೂಡಾ ಸುಟ್ಟು ಹೋಗಿತ್ತು. ವರ್ಷಗಳ ಬಳಿಕ ಸುಟ್ಟಗಾಯ ಗುಣವಾಗಿತ್ತು.