ಇರಾಕ್‌ -ಇರಾನ್‌ ಗಡಿಯಲ್ಲಿ ಪ್ರಬಲ ಭೂಕಂಪ:207 ಬಲಿ 

Team Udayavani, Nov 13, 2017, 9:18 AM IST

ಬಾಗ್ದಾದ್‌: ಭಾನುವಾರ ರಾತ್ರಿ ಇರಾಕ್‌-ಇರಾನ್‌ ಗಡಿ ಭಾಗದಲ್ಲಿರುವ ಹಾಲಾಬಾಜಾ ನಗರದಲ್ಲಿ ಪ್ರಬಲ ಭೂಕಂಪ ಸಂಭವಿಸಿದ್ದು ಕನಿಷ್ಠ 207 ಜನರು ಸಾವನ್ನಪ್ಪಿದ್ದು, ಹಲವು ಕಟ್ಟಡಗಳು ಧರೆಗುರುಳಿವೆ.

ಭಾರತೀಯ ಕಾಲಮಾನ ರಾತ್ರಿ 11.40 ವೇಳೆ ಭೂಕಂಪನ ಸಂಭವಿಸಿದ್ದು, ರಿಕ್ಟರ್‌ ಮಾಪಕದಲ್ಲಿ 7.3 ತೀವ್ರತೆ ದಾಖಲಾಗಿತ್ತು. 

ಭೀಕರ ವಿಕೋಪದಲ್ಲಿ  ಸಾವಿರಾರು ಜನರು ಗಾಯಗೊಂಡಿದ್ದು ಹಲವರು ಸಂತ್ರಸ್ತರಾಗಿದ್ದಾರೆ. 

ರಕ್ಷಣಾ ಕಾರ್ಯಾಚರಣೆಗಳನ್ನು ಭದ್ರತಾ ಸಿಬಂದಿಗಳು ಆರಂಭಿಸಿದ್ದು ಸಾವಿನ ಸಂಖ್ಯೆ ಹೆಚ್ಚುವ ಸಾಧ್ಯತೆಗಳಿವೆ. 

ಬಾಗ್ದಾದ್‌ನಿಂದ 350 ಕಿ.ಮೀ ದೂರದಲ್ಲಿ ಕಂಪನ ಕೇಂದ್ರ ಬಿಂದು ಇದ್ದು, ಸಂಪೂರ್ಣ ಇರಾಕ್‌ ಮತ್ತು ಇರಾನ್‌ನಲ್ಲಿ ಕಂಪನದ ಅನುಭವವಾಗಿದೆ ಎಂದು ವರದಿಯಾಗಿದೆ. 

ಹೆಚ್ಚಿನ ವಿವರಗಳನ್ನು ನಿರೀಕ್ಷಿಸಲಾಗುತ್ತಿದೆ.