ಇರಾನ್‌ನಲ್ಲಿ ಸರ್ಕಾರಿ ಲೈವ್ ಟಿವಿ ಚಾನಲ್‌ ಹ್ಯಾಕ್‌ ಮಾಡಿದ ಹಿಜಾಬ್ ವಿರೋಧಿ

Team Udayavani, Oct 9, 2022, 11:00 PM IST

ಟೆಹ್ರಾನ್‌: ಹಿಜಾಬ್‌ ವಿರುದ್ಧ ಪ್ರತಿಭಟನೆ ನಡೆಸುತ್ತಿರುವ ಹೋರಾಟಗಾರರು ಇರಾನ್‌ ಸರ್ಕಾರಿ ಟಿವಿ ಚಾನಲ್‌ ಹ್ಯಾಕ್‌ ಮಾಡಿದ್ದಾರೆ.

ಶನಿವಾರ ರಾತ್ರಿ ಇರಾನ್‌ ಸರ್ಕಾರಿ ಟಿವಿ ಟಿವಿ ಸ್ಕ್ರೀನ್‌ ಮೇಲೆ, “ನಮ್ಮ ಯುವಜನತೆಯ ರಕ್ತ ನಿಮ್ಮ ಕೈಗಳಿಗೆ ಅಂಟಿಕೊಂಡಿದೆ,’ ಎಂಬ ಬರಹ ಕಾಣಿಸಿಕೊಂಡಿದೆ.

ಇರಾನ್‌ ಧಾರ್ಮಿಕ ನಾಯಕ ಅಯತೊಲ್ಲಾ ಅಲಿ ಖಮೇನಿ ವಿರುದ್ಧವೂ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಖಮೇನಿ ಅವರು ಸರ್ಕಾರಿ ಅಧಿಕಾರಿಗಳನ್ನು ಭೇಟಿಯಾಗುವ ದೃಶ್ಯವನ್ನು ಪ್ರಸಾರ ಮಾಡಲಾಗಿದೆ.

ಜತೆಗೆ “ಹೋರಾಟದಲ್ಲಿ ನಮ್ಮೊಂದಿಗೆ ಕೈಜೋಡಿಸಿ,’ ಎಂಬ ಘೋಷಣೆಯನ್ನು ಪ್ರಕಟಿಸಿದ್ದಾರೆ. ಹೋರಾಟಗಾರರ ಗುಂಪು “ಎದಾಲತೆ ಅಲಿ’ ಇದರ ಹೊಣೆ ಹೊತ್ತಿದೆ.

ಇರಾನ್‌ನಲ್ಲಿ ಹಿಜಾಬ್‌ ವಿರುದ್ಧದ ಹೋರಾಟ 4ನೇ ವಾರಕ್ಕೆ ಕಾಲಿಟ್ಟಿದ್ದು, ಭಾನುವಾರ ಮತ್ತಿಬ್ಬರು ಹೋರಾಟಗಾರರು ಅಸುನೀಗಿದ್ದಾರೆ. ಇದುವರೆಗೂ 68 ಮಂದಿ ತಮ್ಮ ಪ್ರಾಣ ಕಳೆದುಕೊಂಡಿದ್ದಾರೆ.