100, 200 ರೂ. ಅಲ್ಲ ಸ್ವಾಮಿ ಗ್ರಾಹಕನಿಗೆ‌ ಬರೋಬ್ಬರಿ 1.36 ಕೋಟಿ ರೂ. ಬಿಲ್‌ ಮಾಡಿದ ರೆಸ್ಟೋರೆಂಟ್‌!

Team Udayavani, Nov 19, 2022, 7:59 PM IST

ಅಬುಧಾಬಿ: ಫೈವ್‌ ಸ್ಟಾರ್‌ ರೆಸ್ಟೋರೆಂಟ್‌ ಹೋಗಿ ಭರ್ಜರಿಯಾಗಿ ಊಟ ಮಾಡಿ ಬಂದರೆ ಬಿಲ್‌ ಎಷ್ಟಾಗಬಹುದು. ಸಾವಿರ ರೂ.ಗಿಂತ ಹೆಚ್ಚಾಗಬಹುದು. ಆದರೆ ಇಲ್ಲೊಂದು ರೆಸ್ಟೋರೆಂಟ್‌ ಗ್ರಾಹಕನೊಬ್ಬನಿಗೆ ಕೋಟಿಗೂ ಅಧಿಕ ಬಿಲ್‌ ಮಾಡಿದೆ.!

ತನ್ನ ಅಡುಗೆಯ ಶೈಲಿಯಿಂದಲೇ ಫೇಮಸ್‌ ಆಗಿರುವ ಟರ್ಕಿಷ್ ನ ಚೇಫ್ ನಸ್ರ್‌ – ಎಟ್‌ ಗೋಕ್ಸೆ (ಸ್ಲಾಟ್‌ ಬೇ ಎಂದೇ ಖ್ಯಾತಿ) ತನ್ನ ರೆಸ್ಟೋರೆಂಟ್‌ ಗೆ ನಲ್ಲಿ ಆಹಾರ ಸೇವಿಸಿದ ಗ್ರಾಹಕನಿಗೆ 1.36 ಕೋಟಿ.ರೂ ಬಿಲ್‌ ಮಾಡಿದ್ದಾರೆ.

ಸ್ಲಾಟ್‌ ಬೇ ತನ್ನ ಅಬುಧಾಬಿಯ ರೆಸ್ಟೋರೆಂಟ್‌ ನಲ್ಲಿ ಗ್ರಾಹಕನಿಗೆ ಕೊಟ್ಟ ಬಿಲ್‌ ನ ಫೋಟೋವನ್ನು ಹಂಚಿಕೊಂಡಿದ್ದು, ದೊಡ್ಡ ಮೊತ್ತದ ಬಿಲ್‌ ನ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗಿ, ಎಲ್ಲರೂ ಒಮ್ಮೆ ದಂಗಾಗುವಂತೆ ಮಾಡಿದೆ.

ಬೋರ್ಡೆಕ್ಸ್, ಬಕ್ಲಾವಾ ಕಂಪೆನಿಯ ದುಬಾರಿ ವೈನ್ ಹಾಗೂ ಚಿನ್ನದ ಲೇಪಿತ‌ (ಗೋಲ್ಡ್‌ ಸ್ಟಿಕ್)  ಇಸ್ತಾಂಬುಲ್ ಮಾಂಸ ಮುಂತಾದ ಆಹಾರಗಳಿದ್ದವು. ಇದೆಲ್ಲದರ ಬಿಲ್‌ ಬರೋಬ್ಬರಿ 1.36 ಕೋಟಿ ರೂ.

ಬಿಲ್‌ ನ ಪ್ರತಿಯ ಫೋಟೋ ಹಂಚಿಕೊಂಡು ಸಾಲ್ಟ್‌ ಬೇ “ ಗುಣಮಟ್ಟ ಎಂದಿಗೂ ದುಬಾರಿಯಲ್ಲ”( “Quality never expensive”) ಎಂದು ಬರೆದುಕೊಂಡಿದ್ದಾರೆ.

ಸೋಶಿಯಲ್‌ ಮೀಡಿಯಾ ಬಳಕೆದಾರರೊಬ್ಬರು “ನಾನು ಎಷ್ಟು ಶ್ರೀಮಂತನಾಗಿದ್ದರೂ ಪರವಾಗಿಲ್ಲ, ಈ ರೀತಿಯ ಹುಚ್ಚುತನವನ್ನು ನಾನು ಎಂದಿಗೂ ಬೆಂಬಲಿಸುವುದಿಲ್ಲ” ಎಂದು ಬರೆದುಕೊಂಡಿದ್ದಾರೆ. ಮತ್ತೊಬ್ಬರು ಇದೊಂದು ಹಗಲು ದರೋಡೆ ಎಂದು ಬರೆದುಕೊಂಡಿದ್ದಾರೆ.

 

View this post on Instagram

 

A post shared by Nusr_et#Saltbae (@nusr_et)