6 ಗಂಟೆಯಲ್ಲಿ ಎಲ್ಲ ಮರೆವ “ರಿಯಲ್‌ ಲೈಫ್ ಗಜಿನಿ’!

Team Udayavani, Nov 16, 2021, 6:30 AM IST

ಬರ್ಲಿನ್‌: ಆ ಮೀರ್‌ ಖಾನ್‌ ನಟನೆಯ “ಗಜಿನಿ’ ಸಿನಿಮಾ ನಿಮಗೆಲ್ಲರಿಗೂ ನೆನಪಿರಬಹುದು. ಅದೇ ರೀತಿ, ನಿಜ ಜೀವನದಲ್ಲಿಯೂ ಶಾರ್ಟ್‌ ಟೈಮ್‌ ಮೆಮೊರಿಯಿಂದ ಬಳಲುತ್ತಿರುವ ವ್ಯಕ್ತಿಯೊಬ್ಬರು ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ ಆಗಿದ್ದಾರೆ.

ಜರ್ಮನಿಯ ಡೇನಿಯೆಲ್‌ ಹೆಸರಿನ ವ್ಯಕ್ತಿ 6 ವರ್ಷಗಳ ಹಿಂದೆ ಅಪಘಾತಕ್ಕೆ ತುತ್ತಾಗಿದ್ದರಂತೆ. ಟ್ರಾಫಿಕ್‌ನಲ್ಲಿ ನಿಂತಿದ್ದ ಅವರಿಗೆ ಕಾರೊಂದು ಗಂಟೆಗೆ 125 ಕಿ.ಮೀ ವೇಗದಲ್ಲಿ ಬಂದು ಗುದ್ದಿದ್ದು, ಅವರ ಮೆದುಳಿಗೆ ಬಲವಾದ ಪೆಟ್ಟು ಬಿದ್ದಿದೆ. ಅಂದಿನಿಂದ ಇಂದಿನವರೆಗೆ ಅವರ ಜ್ಞಾಪಕ ಶಕ್ತಿಯ ಅವಧಿ ಕೇವಲ 6 ಗಂಟೆ ಮಾತ್ರ.

ಇದನ್ನೂ ಓದಿ:ಅಂತೂ ಚಾಮರಾಜನಗರ ಜಿಲ್ಲಾಧಿಕಾರಿ ಡಾ. ರವಿ ವರ್ಗಾವಣೆ

ಏನೇ ವಿಚಾರವಿದ್ದರೂ 6 ಗಂಟೆಗಳ ನಂತರ ಅವರು ಮರೆತುಬಿಡುತ್ತಾರೆ. “ನನ್ನ ಮಗ ಜನಿಸಿದ ಕ್ಷಣ, ಅವನ ಜೀವನದ ಅದ್ಭುತ ಕ್ಷಣಗಳಾದ ಬಾಲ್ಯದ ಯಾವುದೇ ಘಟನೆ ನನ್ನ ನೆನಪಿನಲ್ಲಿ ಉಳಿದಿಲ್ಲ’ ಎಂದು ನೋವಿನಿಂದ ಡೇನಿಯೆಲ್‌ ಹೇಳಿಕೊಂಡಿದ್ದಾರೆ.