Drones: ಉಕ್ರೇನ್‌ ಮೇಲೆ ರಷ್ಯಾ ಡ್ರೋನ್‌ ದಾಳಿ: 6 ಮಂದಿ ಸಾವು, 30 ಮಂದಿಗೆ ಗಾಯ

Team Udayavani, Nov 12, 2024, 12:09 AM IST

ಕೀವ್‌: ಉಕ್ರೇನ್‌ ಮೇಲೆ ರಷ್ಯಾ ಬಾಂಬ್‌, ಡ್ರೋನ್‌ ಮತ್ತು ಕ್ಷಿಪಣಿ ದಾಳಿ ನಡೆಸಿದ್ದು, 6 ಮಂದಿ ಮೃತಪಟ್ಟಿದ್ದು, 30 ಮಂದಿ ಗಾಯಗೊಂಡಿದ್ದಾರೆ.

ಭಾನುವಾರವಷ್ಟೇ 2 ರಾಷ್ಟ್ರಗಳು ಪರಸ್ಪರ ಡ್ರೋನ್‌ ದಾಳಿ ನಡೆಸಿಕೊಂಡಿದ್ದವು. ದಾಳಿಯ ಬಗ್ಗೆ ಪ್ರತಿಕ್ರಿಯೆ ನೀಡಿದ ಉಕ್ರೇನ್‌ ಅಧ್ಯಕ್ಷ ವೊಲೊಡಿಮಿರ್‌ ಜೆಲೆನ್‌ಸ್ಕೀಪ್ರತಿದಿನ, ಪ್ರತಿರಾತ್ರಿ ರಷ್ಯಾ ಇದೇ ತಪ್ಪು ಮಾಡುತ್ತಿದೆ ಎಂದು ಹೇಳಿದ್ದಾರೆ.

ಸೋಮವಾರ ಉಕ್ರೇನ್‌ನ ದಕ್ಷಿಣ ಮತ್ತು ಪೂರ್ವ ನಗರಗಳ ಮೇಲೆ ರಷ್ಯಾ ದಾಳಿ ನಡೆಸಿದೆ. ಉಕ್ರೇನ್‌ ಪ್ರಮುಖ ಶಸ್ತ್ರಾಸ್ತ್ರ ಪೂರೈಕೆದಾರನಾಗಿರುವ ಅಮೆರಿಕ ಅಧ್ಯಕ್ಷರ ಬದಲಾವಣೆ ಬಳಿಕೆ ಹೇಗೆ ವರ್ತಿಸುತ್ತದೆ ಎಂಬುದನ್ನು ಉಭಯ ದೇಶಗಳು ಕಾದು ನೋಡುತ್ತಿವೆ.

ಉಕ್ರೇನ್‌ ಸಹ ತನ್ನ ಸೈನ್ಯವನ್ನು ಮತ್ತಷ್ಟು ಹೆಚ್ಚಿಸಿದ್ದು, ಎಲ್ಲಾ ಡ್ರೋನ್‌ಗಳನ್ನು ಹೊಡೆದುರುಳಿಸಲು ಆದೇಶ ನೀಡಿದೆ.