ಮಂಗಳ ಅಂಗಳದಲ್ಲಿ ದ್ರವರೂಪದ ನೀರಿನ ಅಂಶ?

Team Udayavani, Oct 6, 2022, 7:30 AM IST

ಲಂಡನ್‌: ಮಂಗಳ ಗ್ರಹದ ದಕ್ಷಿಣ ಧ್ರುವದ ಮಂಜುಗಡ್ಡೆಯ ಕೆಳಗೆ ಸಂಭವನೀಯ ದ್ರವರೂಪದ ನೀರಿನ ಅಂಶ ಇರುವುದಕ್ಕೆ ಸಂಶೋಧಕರಿಗೆ ಪುರಾವೆಗಳು ದೊರೆತಿದೆ.

ನೇಚರ್‌ ಅಸ್ಟ್ರಾನಮಿ ನಿಯತಕಾಲಿಕದಲ್ಲಿ ಪ್ರಕಟಗೊಂಡಿರುವ ವರದಿಯ ಪ್ರಕಾರ, ಮಂಗಳದ ದಕ್ಷಿಣ ಧ್ರುವದ ಕೆಳಗೆ ದ್ರವರೂಪದ ನೀರು ಇದೆ ಎಂಬುದಕ್ಕೆ ರಾಡಾರ್‌ ಹೊರತುಪಡಿಸಿ ಡೇಟಾ ಬಳಸಿಕೊಂಡು ಮೊದಲ ಬಾರಿಗೆ ಸ್ವತಂತ್ರ ಪುರಾವೆಯನ್ನು ಸಂಶೋಧಕರು ಒದಗಿಸಿದ್ದಾರೆ.

ಕೇಂಬ್ರಿಡ್ಜ್ ವಿಶ್ವವಿದ್ಯಾಲಯ ನೇತೃತ್ವದ ಸಂಶೋಧಕರ ತಂಡ, ಮಂಗಳ ಗ್ರಹದ ಮಂಜುಗಡ್ಡೆಯ ಮೇಲ್ಭಾಗದ ಆಕಾರದ ಎತ್ತರದಲ್ಲಿನ ಸೂಕ್ಷ್ಮ ಮಾದರಿಗಳನ್ನು ಗುರುತಿಸಲು ಸ್ಪೇಸ್‌ಕ್ರಾಫ್ಟ್ ಲೇಸರ್‌ ಆಲ್ಟಿಮೀಟರ್‌ ಅಳತೆಗಳನ್ನು ಬಳಸಿದೆ.

ಈ ಪುರಾವೆಗಳು ಮಂಜುಗಡ್ಡೆಯ ಕೆಳಗೆ ದ್ರವರೂಪದ ನೀರಿನ ಅಂಶ ಇರುವುದಕ್ಕೆ ಸಾಕ್ಷಿಯಾಗಿದೆ ಎಂದು ಸಂಶೋಧಕರು ಮಾಹಿತಿ ನೀಡಿದ್ದಾರೆ.