ಯೋಗಾಸನದ ವೇಳೆ 80 ಅಡಿ ಆಳಕ್ಕೆ ಬಿದ್ದಳು!

Team Udayavani, Aug 28, 2019, 5:46 AM IST

ಮೆಕ್ಸಿಕೋ ಸಿಟಿ: ಅಪಾರ್ಟ್‌ಮೆಂಟ್ ಬಾಲ್ಕನಿಯಲ್ಲಿ ನಿಂತು ಯೋಗಾಭ್ಯಾಸದಲ್ಲಿ ನಿರತಳಾಗಿದ್ದ ಕಾಲೇಜು ವಿದ್ಯಾರ್ಥಿನಿಯೊಬ್ಬಳು ಆಯತಪ್ಪಿ 80 ಅಡಿ ಆಳಕ್ಕೆ ಬಿದ್ದು, ಅದೃಷ್ಟವಶಾತ್‌ ಬದುಕುಳಿದ ಘಟನೆ ಮೆಕ್ಸಿಕೋ ದಲ್ಲಿ ನಡೆದಿದೆ. ಅಲೆಕ್ಸಾ ಟೆರಾಜಾ (23) ಎಂಬಾಕೆ ತನ್ನ 6 ಮಹ ಡಿಯ ಅಪಾರ್ಟ್‌ಮೆಂಟ್‌ನ ಬಾಲ್ಕನಿಯ ತುದಿಯಲ್ಲಿ ನಿಂತು ಕ್ಲಿಷ್ಟಕರವಾದ ಯೋಗಾಸನ ಮಾಡುತ್ತಿದ್ದಳು. ಈ ವೇಳೆ ಆಯತಪ್ಪಿ ಕೆಳಕ್ಕೆ ಬಿದ್ದಿದ್ದಾಳೆ. ಕೂಡಲೇ ಆಕೆಯನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ. ಆಕೆಯ 110 ಮೂಳೆಗಳು ಮುರಿದಿದ್ದು, 3 ವರ್ಷಗಳ ಕಾಲ ನಡೆಯಲು ಆಗದು ಎಂದು ವೈದ್ಯರು ಹೇಳಿದ್ದಾರೆ. ಅಲೆಕ್ಸಾಳಿಗೆ 11 ಗಂಟೆ ಶಸ್ತ್ರ ಚಿಕಿತ್ಸೆ ನಡೆಸಲಾಗಿದ್ದು, ಸ್ಥಿತಿ ಚಿಂತಾಜನಕವಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.