ಸಿಂಗಾಪುರ: 233 ಹೊಸ ಪ್ರಕರಣ ಪತ್ತೆ

Team Udayavani, Apr 15, 2020, 10:25 AM IST

ಸಿಂಗಾಪುರ: ಇಲ್ಲಿನ ಆರೋಗ್ಯ ಸಚಿವಾಲಯ 233 ಹೊಸ ಪ್ರಕರಣಗಳನ್ನು ಪತ್ತೆ ಹಚ್ಚಿದ್ದು, ಸೋಂಕಿತರ ಸಂಖ್ಯೆ 2532ಕ್ಕೆ ಏರಿದೆ.

ಯುರೋಪ್‌ ಮತ್ತು ಯುಎಸ್‌ ನಿಂದ ಹಿಂದಿರುಗಿ ಬಂದ ಜನರಿಂದ ಈ ಪ್ರಕರಣಗಳು ಹೆಚ್ಚಿದ್ದು, ಹೊಸ ಪ್ರಕರಣಗಳೆಲ್ಲವೂ ಸ್ಥಳೀಯವಾಗಿ ಹರಡುವ ಆತಂಕವಿದೆ ಎಂದು ಸಚಿವಾಲಯ ತಿಳಿಸಿದೆ. ಈ ವರೆಗೆ ಒಟ್ಟು 287 ಪ್ರಕರಣಗಳು ವರದಿಯಾಗಿವೆ.

ಆದರೆ 167 ಪ್ರಕರಣಗಳ ಸಂಪರ್ಕ ವಿವರಗಳನ್ನು ಪಡೆಯಲಾಗುತ್ತಿದೆ ಎಂದು ಅವರು ತಿಳಿಸಿದ್ದಾರೆ.

ಸಿಂಗಾಪುರ ಸರಕಾರವು ಸೋಂಕು ಹೆಚ್ಚಾಗದಂತೆ ತಡೆಯಲು ವಲಸೆ ಕಾರ್ಮಿಕರನ್ನು ಮಿಲಿಟರಿ ಕ್ಯಾಂಪ್‌ಗಳಿಗೆ ಮತ್ತು ರೆಸಾರ್ಟ್‌ಗಳಿಗೆ ಸ್ಥಳಾಂತರಿಸಿದೆ ಎಂದು ಬಹು ಸಚಿವಾಲಯದ ಕಾರ್ಯಪಡೆ ಸಹ ಅಧ್ಯಕ್ಷ ಲಾರೆನ್ಸ್‌ ವಾಂಗ್‌ ಹೇಳಿದ್ದಾರೆ.

ರವಿವಾರ ಒಟ್ಟು ಸಾವಿನ ಸಂಖ್ಯೆ ಎಂಟಾಗಿದೆ. ಸುಮಾರು 560 ಮಂದಿ ಚೇತರಿಸಿಕೊಂಡಿದ್ದಾರೆ ಮತ್ತು ಆಸ್ಪತ್ರೆಯಿಂದ ಬಿಡುಗಡೆ ಹೊಂದಿದ್ದಾರೆ ಎಂದು ಸಚಿವಾಲಯ ತಿಳಿಸಿದೆ.