Namaz, ಆಜಾನ್‌ ವೇಳೆ ದುರ್ಗಾಪೂಜೆ ಸ್ಥಗಿತ: ಬಾಂಗ್ಲಾ ಸರಕಾರ

Team Udayavani, Sep 13, 2024, 6:47 AM IST

ಢಾಕಾ: ಹಿಂದೂಗಳು ನಮಾಜ್‌ ವೇಳೆ, ಅಜಾನ್‌ ಕೂಗುವ 5 ನಿಮಿಷಗಳ ಮುಂಚಿತವಾಗಿ ದುರ್ಗಾ ಪೂಜೆಯ ಚಟುವಟಿಕೆಗಳನ್ನು ನಿಲ್ಲಿಸಿ ಸಹಕರಿಸ ಬೇಕೆಂದು ಬಾಂಗ್ಲಾದೇಶದ ಮಧ್ಯಾಂತರ ಸರಕಾರದ ಮುಖ್ಯಸ್ಥ ಮೊಹಮ್ಮದ್‌ ಯೂನುಸ್‌ ಮನವಿ ಮಾಡಿ ದ್ದಾರೆ. ದುರ್ಗಾಪೂಜೆ ವೇಳೆ ಸಂಭಾವ್ಯ ಗಲಭೆಗಳನ್ನು ತಪ್ಪಿಸಲು ಈ ನಿರ್ಧಾರ ಕೈಗೊಳ್ಳಲಾಗಿದೆ ಎಂದಿದ್ದಾರೆ.

ದುರ್ಗಾಪೂಜೆಯ ಸಂಗೀತ, ವಾದ್ಯಗಳನ್ನು ನಿಲ್ಲಿಸಿ ನಮಾಜ್‌ಗೆ ಅವಕಾಶ ನೀಡಬೇಕೆಂದು ಕೇಳಿಕೊಂಡಿ ದ್ದಾರೆ. ಈ ಬಗ್ಗೆ ಮಾತನಾಡಿದ ಗೃಹ ಇಲಾಖೆ ಸಲಹೆ ಗಾರ ಲೆಫ್ಟಿನೆಂಟ್‌ ಜನರಲ್‌(ನಿವೃತ್ತ) ಎಂಡಿ ಜಹಾಂ ಗೀರ್‌ ಆಲಂ ಚೌಧರಿ, ಇದಕ್ಕೆ ಹಿಂದೂ ಸಮುದಾಯ ಒಪ್ಪಿದೆ. ಜತೆಗೆ ಪೂಜೆ ವೇಳೆ ಹಿಂದೂಗಳಿಗೆ ಭದ್ರತೆ ಕಲ್ಪಿಸಲಾಗುವುದು, ಯಾವುದೇ ಅಡಚಣೆ ಬಾರದಂತೆ ನೋಡಿಕೊಳ್ಳಲಾಗುವುದೆಂದು ಭರವಸೆ ನೀಡಿದ್ದಾರೆ.