7 ವರ್ಷ ಹಳೆಯ ಅಸಾಂಜ್‌ ರೇಪ್‌ ತನಿಖೆ ಕೈಬಿಟ್ಟ ಸ್ವೀಡನ್‌ prosecutor

Team Udayavani, May 19, 2017, 3:31 PM IST

ಲಂಡನ್‌ : ವಿಕಿಲೀಕ್ಸ್‌ ಸ್ಥಾಪಕ ಜೂಲಿಯನ್‌ ಅಸಾಂಜ್‌ ವಿರುದ್ಧ ಕಳೆದ ಏಳು ವರ್ಷಗಳಿಂದ ನಡೆಯುತ್ತಿರುವ ಶಂಕಿತ ರೇಪ್‌ ಪ್ರಕರಣದ ತನಿಖೆಯನ್ನು ಸ್ವೀಡನ್‌ನ ಉನ್ನತ ಪ್ರಾಸಿಕ್ಯೂಟರ್‌ ಕೈಬಿಟ್ಟಿರುವುದಾಗಿ ವರದಿಯಾಗಿದೆ. 

ಜೂಲಿಯನ್‌ ಅಸಾಂಜ್‌ ವಿರುದ್ಧದ ಶಂಕಿತ ರೇಪ್‌ ಪ್ರಕರಣದ ಪ್ರಾಥಮಿಕ ತನಿಖೆಯನ್ನು ಮುಂದುವರಿಸದಿರಲು ಸ್ವೀಡನ್‌ನ ಚೀಫ್ ಪ್ರಾಸಿಕ್ಯೂಟರ್‌ ಮ್ಯಾರಿಯನ್‌ ನೈ ಅವರು ಇಂದು ಶುಕ್ರವಾರ ನಿರ್ಧರಿಸಿರುವುದಾಗಿ ಅವರ ಕಾರ್ಯಾಲಯ ಇಂದು ಹೇಳಿಕೆಯೊಂದರಲ್ಲಿ ತಿಳಿಸಿದೆ. 

ಕಳೆದ ಏಳು ವರ್ಷಗಳಿಂದ ಚಾಲ್ತಿಯಲ್ಲಿರುವ ಅಸಾಂಜ್‌ ವಿರುದ್ಧದ ಶಂಕಿತ ರೇಪ್‌ ತನಿಖೆಯ ಕುರಿತಾಗಿ ಅಧಿಕಾರಿಗಳು ಮಾತನಾಡಲಿದ್ದಾರೆ ಎಂದು ಪ್ರಾಸಿಕ್ಯೂಟರ್‌ ಕಾರ್ಯಾಲಯ ಹೇಳಿದೆ.ಆದರೆ ಆ ಬಗ್ಗೆ ಹೆಚ್ಚಿನ ವಿವರಗಳನ್ನು ಅದು ನೀಡಿಲ್ಲ. 

ಯುರೋಪ್‌ನ ಅರೆಸ್ಟ್‌ ವಾರಂಟನ್ನು ಕೈಬಿಡುವಂತೆ ಸ್ವೀಡನ್‌ಗೆ ಅಸಾಂಜ್‌ ವಕೀಲರು ಮನವಿ ಮಾಡಿಕೊಂಡಿರುವುದನ್ನು ಅನುಸರಿಸಿ ಸ್ವೀಡನ್‌ ಪ್ರಾಸಿಕ್ಯೂಟರ್‌ ಇಂದಿನ ನಿರ್ಧಾರ ಕೈಗೊಂಡಿರುವುದಾಗಿ ತಿಳಿದುಬಂದಿದೆ.