ಭಾರತದೊಂದಿಗೆ ಮಾಹಿತಿ ವಿನಿಮಯ: ಸ್ವಿಸ್‌ನಲ್ಲಿ ಆಕ್ಷೇಪ

Team Udayavani, Aug 16, 2017, 10:20 AM IST

ಜ್ಯುರಿಚ್‌: ತೆರಿಗೆ ತಪ್ಪಿಸಿಕೊಂಡು ಸ್ವಿಜರ್ಲೆಂಡ್‌ನ‌ ಬ್ಯಾಂಕ್‌ಗಳಲ್ಲಿ ಕಪ್ಪುಹಣ ಇರಿಸಿಕೊಂಡವರ ವಿರುದ್ಧದ ಭಾರತದ ಸಮರಕ್ಕೆ ಮತ್ತೂಂದು ಅಡ್ಡಿ ಎದುರಾಗುವ ಸಾಧ್ಯತೆಯಿದೆ. ಭಾರತ ಸಹಿತ ಇತರ 10 ದೇಶಗಳ  ಜೊತೆ ಬ್ಯಾಂಕಿನ ಮಾಹಿತಿಯನ್ನು ವಿನಿಮಯ ಮಾಡಿಕೊಳ್ಳುವ ಒಪ್ಪಂದಕ್ಕೆ ಇಲ್ಲಿನ ಪ್ರಮುಖ ಪಕ್ಷವಾದ ಸ್ವಿಸ್‌ ಪೀಪಲ್ಸ್‌ ಪಾರ್ಟಿ(ಎಸ್‌ವಿಪಿ) ತೀವ್ರ ಆಕ್ಷೇಪ ವ್ಯಕ್ತಪಡಿಸಿದೆ.

ಇದಕ್ಕೂ ಮುನ್ನ ಸ್ವಿಸ್‌ನ ಕೆಲವು ಖಾಸಗಿ ಬ್ಯಾಂಕ್‌ಗಳು ಕೂಡ  ಈ ಒಪ್ಪಂದವನ್ನು ವಿರೋಧಿಸಿದ್ದವು. ಆದರೆ, ಅದಕ್ಕೆ ಒಪ್ಪದ ಸರಕಾರ, ಮಾಹಿತಿ ಸುರಕ್ಷತೆ ಮತ್ತು ಗೌಪ್ಯತೆಯಂಥ ಅಗತ್ಯ ಷರತ್ತುಗಳೊಂದಿಗೆ ಒಪ್ಪಂದ ನೆರವೇರಿಸಿಯೇ ತೀರುವುದಾಗಿ ನಿರ್ಧರಿಸಿತ್ತು. ಅದರಂತೆ, ಭಾರತಕ್ಕೂ ಕಪ್ಪುಕುಳಗಳನ್ನು ಹಿಡಿಯುವುದು ಸುಲಭವಾಗುತ್ತಿತ್ತು.