ಬ್ರಿಟನ್ನಿನ ಜೋಸೆಫ್ ಕೀವ್‌ನಿಂದ ತಪ್ಪಿಸಿಕೊಂಡಿದ್ದೇ ರೋಚಕ

Team Udayavani, Feb 27, 2022, 8:20 AM IST

ಬಿತ್ತರವಾದಾಗ ಆರಂಭದಲ್ಲಿ ಜೋಸೆಫ್ ಗಂಭೀರವಾಗಿ ಪರಿಗಣಿಸಿರಲಿಲ್ಲ. ಮೂಲತಃ ಬ್ರಿಟನ್‌ನವರಾಗಿರುವ ಜೋಸೆಫ್ ಕೀವ್‌ನಲ್ಲಿ ಇಂಗ್ಲಿಷ್‌ ಶಿಕ್ಷಕರು. ಯಾವಾಗ ರಷ್ಯಾ ದಾಳಿಯನ್ನೇ ಆರಂಭಿಸಿತೋ, ಆಗ ನಿಜಕ್ಕೂ ಜೋಸೆಫ್ ದಿಗಿಲಾದರು.

ಟ್ರೈನುಗಳಲ್ಲಿ ಟಿಕೆಟ್‌ಗಳೆಲ್ಲ ಪೂರ್ತಿ ಖಾಲಿ, ವಿಮಾನಗಳು ರದ್ದು, ಬೀದಿಗಳೆಲ್ಲ ಬಹುತೇಕ್‌ ಬಂದ್‌! ಬುಧವಾರ ಹೇಗೋ ತಮ್ಮ ಅಪಾರ್ಟ್‌ಮೆಂಟ್‌ನಲ್ಲಿ ಗಟ್ಟಿ ಮನಸ್ಸು ಮಾಡಿ ಕಳೆದಿದ್ದರು. ಗುರುವಾರ ಬೆಳಗ್ಗೆ ಎದ್ದ ಕೂಡಲೇ ದೊಡ್ಡ ಬಾಂಬ್‌ ಸ್ಫೋಟವೊಂದು ಕೇಳಿತು. ಇನ್ನೊಂದು ಗಂಟೆಯಲ್ಲಿ ಮತ್ತೆ ನಾಲ್ಕು ಸ್ಫೋಟ.

ಬಸ್‌ ನಿಲ್ದಾಣಕ್ಕೆ ಓಡಿದರೆ ನಿರೀಕ್ಷೆಯಂತೆ ಯಾವುದೇ ಬಸ್‌ಗಳಿಲ್ಲ, ಸುಮ್ಮನೆ ಬ್ಯಾಗ್‌ ತುಂಬಿಕೊಂಡು ಕೈಯಲ್ಲಿ ಹಣವಿಟ್ಟುಕೊಂಡು, ರಸ್ತೆಯಲ್ಲಿ ನಡೆಯತೊಡಗಿದರು. ಯಾವ ಕಾರಿಗೆ ಕೈ ಅಡ್ಡ ಮಾಡಿದರೂ ನಿಲ್ಲಿಸುತ್ತಿಲ್ಲ. ಇದ್ದಕ್ಕಿದ್ದಂತೆ ಒಬ್ಬ ಮಹಿಳೆ ಬನ್ನಿ ಹತ್ತಿಕೊಳ್ಳಿ ಎಂದರು.

ಅದೊಂದು ಪುಟ್ಟ ಕಾರು, ಅದರೊಳಗೆ ಆಗಲೇ ಒಬ್ಬ ಅಜ್ಜಿ, ಚಿಕ್ಕ ಹುಡುಗ ಇದ್ದರು. ಹಾಗೆಯೇ ಜೋಸೆಫ್ ನುಸುಳಿಕೊಂಡರು. ಹೀಗೆ 140 ಕಿ.ಮೀ. ಸಂಚರಿಸಿ ಝೈಟೊಮಿರ್‌ ಎಂಬ ನಗರ ತಲುಪಿದರು. ಅವರನ್ನು ಒಯ್ದು ಗುರಿ ಮುಟ್ಟಿಸಿದವರು, ಒತ್ತಾಯಿಸಿದರೂ ಹಣ ಮುಟ್ಟಲಿಲ್ಲ. ಸದ್ಯ ಜೋಸೆಫ್ ಆ ನಗರದ ಹೋಟೆಲೊಂದರಲ್ಲಿ ಉಳಿದುಕೊಂಡಿದ್ದಾರೆ.