ತೃತೀಯಲಿಂಗಿ ಗಗನಸಖಿ ಕೈಲೀ ಸ್ಕಾಟ್‌ ನಿಧನ!

Team Udayavani, Mar 25, 2023, 6:50 AM IST

ವಾಷಿಂಗ್ಟನ್‌:ಯುನೈಟೆಡ್‌ ಏರ್‌ಲೈನ್ಸ್‌ ವಿಮಾನಯಾನ ಸಂಸ್ಥೆಯಲ್ಲಿ ಗಗನಸಖಿಯಾಗಿ ಸೇರ್ಪಡೆಗೊಳ್ಳುವ ಮೂಲಕ ಸುದ್ದಿಯಾಗಿದ್ದ ತೃತೀಯ ಲಿಂಗಿ ಕೈಲೀ ಸ್ಕಾಟ್‌, ಜಾಲತಾಣದಲ್ಲಿ ಮನಕಲಕುವ ಪೋಸ್ಟ್‌ ಹಂಚಿಕೊಂಡ ಕೆಲವೇ ಕ್ಷಣಗಳಲ್ಲಿ ಶವವಾಗಿ ಪತ್ತೆಯಾಗಿದ್ದಾರೆ.

ಮುಖ್ಯವಾಹಿನಿಗೆ ತೃತೀಯಲಿಂಗಿಗಳು ಬರುವ ಅಗತ್ಯ ಹಾಗೂ ಅನಿವಾರ್ಯತೆಗಳನ್ನು ಸಮಾಜದ ಮುಂದೆ ಬಿಚ್ಚಿಡುವ ಮೂಲಕ ಹಾಗೂ 2020ರಲ್ಲಿ ಹೊಸ ಬಲಾವಣೆಗೆ ಸ್ಕಾಟ್‌ ಮುನ್ನುಡಿ ಬರೆದಿದ್ದರು. ಆದರೆ, ಇದೀಗ ಜೀವನದಲ್ಲಿನ ಹೋರಾಟ ಎದುರಿಸುವ ನನ್ನ ಸಾಮರ್ಥ್ಯ ಸಾಲದು ಎಂದು ಫೇಸ್‌ಬುಕ್‌ನಲ್ಲಿ ಪೋಸ್ಟ್‌ ಹಂಚಿಕೊಂಡು, ಬಳಿಕ ಸಾವಿಗೀಡಾಗಿದ್ದಾರೆ.

ಪೋಸ್ಟ್‌ನಲ್ಲಿ ತನ್ನ ನಿರ್ಣಯದಿಂದಾಗಿ ನೋವಿಗೀಡಾಗುವ ತಮ್ಮೆಲ್ಲ ಪ್ರೀತಿ ಪಾತ್ರರಿಗೆ ಸ್ಕಾಟ್‌ ಕ್ಷಮೆ ಕೇಳಿದ್ದು, ಆಕೆಯ ಅಸಹಾಯಕತೆಗೆ ನೆಟ್ಟಿಗರು ಕಂಬನಿ ಮಿಡಿದಿದ್ದಾರೆ. ಇದು ಆತ್ಮಹತ್ಯೆಯೇ ? ಅದರ ಕಾರಣವೇನು ಎಂಬುದರ ಬಗ್ಗೆ ತನಿಖೆ ನಡೆಯುತ್ತಿದೆ.