Afghanistan ; 6.3 ತೀವ್ರತೆಯ ಎರಡು ಭೂಕಂಪಗಳು: ಕನಿಷ್ಠ 15 ಮಂದಿ ಮೃತ್ಯು

Team Udayavani, Oct 7, 2023, 7:34 PM IST

ಕಾಬೂಲ್: ಪಶ್ಚಿಮ ಅಫ್ಘಾನಿಸ್ಥಾನದಲ್ಲಿ 6.3 ತೀವ್ರತೆಯ ಎರಡು ಭೂಕಂಪಗಳು ಕನಿಷ್ಠ 15 ಮಂದಿ ಸಾವನ್ನಪ್ಪಿದ್ದು, 40 ಕ್ಕೂ ಹೆಚ್ಚು ಮಂದಿ ಗಾಯಗೊಂಡಿದ್ದಾರೆ ಎಂದು ದೇಶದ ರಾಷ್ಟ್ರೀಯ ವಿಪತ್ತು ಪ್ರಾಧಿಕಾರದ ವಕ್ತಾರರು ಹೇಳಿದರು.

ಹೆರಾತ್‌ನ ಝೆಂಡಾ ಜಾನ್ ಜಿಲ್ಲೆಯ ನಾಲ್ಕು ಗ್ರಾಮಗಳು ಭೂಕಂಪಗಳು ಮತ್ತು ನಂತರದ ಆಘಾತಗಳ ತೀವ್ರ ಪರಿಣಾಮವನ್ನು ಹೊಂದಿವೆ. ಹತ್ತಾರು ಮನೆಗಳಿಗೆ ಹಾನಿಯಾಗಿದೆ ಎಂದು ಮೊಹಮ್ಮದ್ ಅಬ್ದುಲ್ಲಾ ಜಾನ್ ಹೇಳಿದರು.

ಯುಎಸ್ ಭೂವೈಜ್ಞಾನಿಕ ಸಮೀಕ್ಷೆಯು 6.3 ತೀವ್ರತೆಯ ಕಂಪನಗಳನ್ನು ವರದಿ ಮಾಡಿದೆ.ಹೆರಾತ್ ನಗರದ ವಾಯುವ್ಯಕ್ಕೆ 40 ಕಿಲೋಮೀಟರ್ (24.8 ಮೈಲಿ) ದೂರದಲ್ಲಿ ಭೂಕಂಪನದ ಕೇಂದ್ರಬಿಂದುವಿದೆ. 5.5 ತೀವ್ರತೆಯ ಮೊದಲ ಭೂಕಂಪದ ನಂತರ ಇನ್ನೊಂದು ಕಂಪನ ಸಂಭವಿಸಿದೆ.

USGS ವೆಬ್‌ಸೈಟ್‌ನಲ್ಲಿನ ನಕ್ಷೆಯು ಪ್ರದೇಶದಲ್ಲಿ ಏಳು ಭೂಕಂಪಗಳನ್ನು ಸೂಚಿಸುತ್ತದೆ. ನಗರದಲ್ಲಿ ಮಧ್ಯಾಹ್ನದ ವೇಳೆಗೆ ಕನಿಷ್ಠ ಐದು ಪ್ರಬಲ ಭೂಕಂಪಗಳು ಸಂಭವಿಸಿವೆ ಎಂದು ಹೆರಾತ್ ನಗರದ ನಿವಾಸಿ ಅಬ್ದುಲ್ ಶಕೋರ್ ಸಮಾದಿ ಹೇಳಿದ್ದಾರೆ.

“ಎಲ್ಲಾ ಜನರು ತಮ್ಮ ಮನೆಗಳಿಂದ ಹೊರಗಿದ್ದಾರೆ. ಕಚೇರಿಗಳು ಮತ್ತು ಅಂಗಡಿಗಳು ಖಾಲಿಯಾಗಿವೆ ಮತ್ತು ಇನ್ನೂ ಹೆಚ್ಚಿನ ಭೂಕಂಪಗಳ ಭಯವಿದೆ. ನನ್ನ ಕುಟುಂಬ ಮತ್ತು ನಾನು ನಮ್ಮ ಮನೆಯೊಳಗೆ ಇದ್ದೆವು, ನಾನು ಭೂಕಂಪವನ್ನು ಅನುಭವಕ್ಕೆ ಬಂತು, ಮನೆಯವರು ಕೂಗಲು ಪ್ರಾರಂಭಿಸಿ ಹೆದರಿ ಹೊರಗೆ ಓಡಿದರು ಎಂದು ಹೇಳಿದ್ದಾರೆ.