ರಷ್ಯಾ ಸೈನಿಕರೆದುರು ಗುಡುಗಿದ ಉಕ್ರೇನಿ ಮಹಿಳೆ!

Team Udayavani, Feb 26, 2022, 7:20 AM IST

ಸಾಮಾಜಿಕ ತಾಣಗಳಲ್ಲಿ ಮೆಚ್ಚುಗೆಯ ಮಹಾಪೂರ

ಉಕ್ರೇನ್‌ ಮಹಿಳೆಯೊಬ್ಬರು ರಷ್ಯಾ ಸೈನಿಕರೊಂದಿಗೆ ವಾಗ್ವಾದ ನಡೆಸಿ ಶಹಬ್ಟಾಷ್‌ಗಿರಿ ಪಡೆದಿದ್ದಾರೆ. ರಷ್ಯಾ ಸೈನಿಕರು ಉಕ್ರೇನಿನ ಬಂದರು ನಗರಿ ಹೆನಿಚೆಸ್ಕ್ ನಲ್ಲಿ ಶಸ್ತ್ರಾಸ್ತ್ರ ಹಿಡಿದುಕೊಂಡು ನಿಂತಿದ್ದರು. ಅದನ್ನು ನೋಡಿದ ಉಕ್ರೇನಿ ಮಹಿಳೆ , “ಇಲ್ಲಿ ನೀವೇನು ಮಾಡುತ್ತಿದ್ದೀರಿ? ನನ್ನ ದೇಶದಲ್ಲಿ ನಿಮಗೇನು ಕೆಲಸ? ಎಂದು ಕೆರಳಿ ನುಡಿದಿದ್ದಾರೆ.

ಅದಕ್ಕೆ ಶಾಂತವಾಗಿಯೇ ಉತ್ತರಿಸಿದ ರಷ್ಯಾ ಸೈನಿಕರು, ನಮ್ಮ ಈ ಚರ್ಚೆಯಿಂದ ಯಾವ ಪ್ರಯೋಜನವೂ ಇಲ್ಲ ಎಂದಿದ್ದಾರೆ!

ಆಗ ಮತ್ತಷ್ಟು ಕೆರಳಿದ ಮಹಿಳೆ, ನೀವು ಆಕ್ರಮಣಕಾರರು, ಫ್ಯಾಸಿಸ್ಟರು, ಈ ಗನ್‌ಗಳನ್ನಿಟ್ಟುಕೊಂಡು ನೀವು ಮಾಡುತ್ತಿರುವ ಘನಂದಾರಿ ಕೆಲಸವಾದರೂ ಏನು? ಈ ಬೀಜಗಳನ್ನು ನಿಮ್ಮ ಜೇಬಿನಲ್ಲಿಟ್ಟುಕೊಳ್ಳಿ, ನೀವು ಸತ್ತು ಮಲಗಿದ ಮೇಲೆ ಕನಿಷ್ಠ ಪಕ್ಷ ಸೂರ್ಯಕಾಂತಿ ಸಸ್ಯವಾದರೂ ಬೆಳೆಯಲಿ…. ಎಂದು ಗುಡುಗಿದ್ದಾರೆ.

ಈಕೆಯ ಮಾತಿಗೆ ಟ್ವೀಟರ್‌ ಸೇರಿದಂತೆ ಸಾಮಾಜಿಕ ತಾಣಗಳಲ್ಲಿ ಭಾರೀ ಮೆಚ್ಚುಗೆ ಬಂದಿದೆ.

Woman in Henichesk confronts Russian military. “Why the fuck did you come here ? No one wants you!” ?#Russia #Ukraine #Putin pic.twitter.com/wTz9D9U6jQ

— Intel Rogue (@IntelRogue) February 24, 2022