ದಕ್ಷಿಣ ಏಷ್ಯಾ ಐಸಿಸ್‌ ಉಗ್ರ ಸಂಘಟನೆ ನಿಷೇಧಿಸಿದ ವಿಶ್ವಸಂಸ್ಥೆ

Team Udayavani, May 16, 2019, 6:00 AM IST

ವಾಷಿಂಗ್ಟನ್‌: ಪುಲ್ವಾಮಾ ದಾಳಿಯ ಸಂಚುಕೋರ ಹಾಗೂ ಜೈಶ್‌ ಎ ಮೊಹಮದ್‌ ಉಗ್ರ ಸಂಘಟನೆಯ ನಾಯಕ ಮಸೂದ್‌ ಅಜರ್‌ಗೆ ನಿಷೇಧ ಹೇರಿರುವ ವಿಶ್ವಸಂಸ್ಥೆ ಈಗ ಪಾಕಿಸ್ಥಾನದ ಮತ್ತೂಂದು ಉಗ್ರ ಸಂಘಟನೆಯನ್ನು ನಿಷೇಧಿಸಿದೆ.

ಐಎಸ್‌ಐಎಲ್‌ಖೋರಾ ಸಾನ್‌ ಎಂಬ ಈ ಉಗ್ರ ಸಂಘಟನೆಯನ್ನು ಐಸಿಸ್‌ನ ದ. ಏಷ್ಯಾ ಶಾಖೆ ಎಂದೇ ಪರಿಗಣಿಸ ಲಾಗುತ್ತಿತ್ತು. ತಾಲಿಬಾನ್‌ ಉಗ್ರ ಸಂಘಟನೆ  ಹುಟ್ಟುಹಾಕಿದ ಅಬೂಬಕರ್‌ ಅಲ್‌ ಬಾಗ್ಧಾದಿಯೇ 2015ರ ಜನವರಿ 10ರಂದು ಈ ಉಗ್ರ ಸಂಘಟನೆಯನ್ನು ಪಾಕಿಸ್ಥಾನದಲ್ಲಿ ಸ್ಥಾಪಿಸಿದ್ದ ಎನ್ನಲಾಗಿದೆ. ಅಫ್ಘಾನಿಸ್ಥಾನ, ಪಾಕ್‌ನ‌ಲ್ಲಿ ಹಲವು ಉಗ್ರ ಕೃತ್ಯಗಳನ್ನು ಈ ಸಂಘಟನೆ ನಡೆಸಿದೆ.

ಈವರೆಗೆ ಸುಮಾರು 150 ಕ್ಕೂ ಹೆಚ್ಚು ಜನರನ್ನು ಈ ಸಂಘಟನೆ ಹತ್ಯೆಗೈದಿದೆ. ಪಾಕಿಸ್ಥಾನದ ಖೆಟ್ಟಾ ಪ್ರಾಂತ್ಯದಲ್ಲಿ ಈ ಸಂಘಟನೆಯ ಪ್ರಭಾವ ಹೆಚ್ಚಾಗಿತ್ತು. ಲಷ್ಕರ್‌, ಜೆಯುಡಿ, ಹಕ್ಕಾನಿ ನೆಟ್‌ವರ್ಕ್‌, ಇತರ ಕೆಲವು ಸಂಘ ಟನೆಯ ಸದಸ್ಯರು ಐಎಸ್‌ಐಎಲ್‌ಕೆಗೆ ಸೇರಿಕೊಂಡಿದ್ದರು ಎಂದು ಹೇಳಲಾಗಿದೆ.