ಕಾಫಿಗೂ ಬಂತು ಸ್ನಾತಕೋತ್ತರ ಪದವಿ!

Team Udayavani, Sep 23, 2021, 2:15 PM IST

ರೋಮ್‌:  ಕಾಫಿಯೆಂದರೆ ಪಂಚಪ್ರಾಣ ಎನ್ನುವವರಿಗಾಗಿಯೇ ಇಟಲಿಯ ವಿಶ್ವವಿದ್ಯಾನಿಲಯವೊಂದು ಸ್ನಾತಕೋತ್ತರ ಪದವಿಯನ್ನೇ ಆರಂಭಿಸಿದೆ!

ಇಟಲಿಯ ಪ್ಲಾರೆನ್ಸ್‌  ವಿವಿ ಕಾಫಿ ಬಗ್ಗೆಯೇ ಸ್ನಾತಕೋತ್ತರ ಪದವಿ ಆರಂಭಿಸಿದೆ. ಕಾಫಿಯ ಇತಿಹಾಸದಿಂದ ಹಿಡಿದು ಹೇಗೆ ಸರ್ವ್‌ ಮಾಡಬೇಕು ಎನ್ನುವವರೆಗೂ ಅಧ್ಯಯನವನ್ನು ಈ ಪದವಿಯಲ್ಲಿ ಮಾಡಬಹುದು. ಕಾಫಿ ಉದ್ಯಮದಲ್ಲೇ ಯಶಸ್ಸು ಕಂಡಿರುವ ಕಂಪೆನಿಗಳಿಗೂ ಕರೆದುಕೊಂಡು ಹೋಗಿ ಪ್ರಾಯೋಗಿಕ ಅಧ್ಯಯನಕ್ಕೂ ಅವಕಾಶ ಇದೆ.

ಈ ಪದವಿ ಅಧ್ಯಯನ 9 ತಿಂಗಳ ಕಾಲಾವಧಿಯಲ್ಲಿ ನಡೆಯಲಿದೆ. ಮೊದಲ ಬ್ಯಾಚ್‌ 2022ರ ಜನವರಿಯಲ್ಲಿ ಆರಂಭವಾಗಲಿದ್ದು, ಅದಕ್ಕೆ ಈಗಾಗಲೇ 25 ವಿದ್ಯಾರ್ಥಿಗಳು ನೋಂದಾಯಿಸಿಕೊಂಡಿದ್ದಾರೆ. ಮೊದಲ ಬ್ಯಾಚ್‌ಗೆ ಇಟಾಲಿಯನ್‌ ಭಾಷೆಯಲ್ಲೇ ಅಧ್ಯಯನ ನಡೆಯಲಿದೆ. ಒಂದು ವೇಳೆ ಬೇಡಿಕೆ ಹೆಚ್ಚಾದರೆ ಇಂಗ್ಲಿಷ್‌ನಲ್ಲಿಯೂ ಪದವಿ ಆರಂಭಿಸಲಾಗುವುದು ಎಂದು ವಿವಿಯ ಕೃಷಿ ವಿಭಾಗದ ಮುಖ್ಯಸ್ಥರು ಹಾಗೂ ಕೋರ್ಸ್‌ನ ಮೇಲ್ವಿಚಾರಕರು ತಿಳಿಸಿದ್ದಾರೆ.