ಯುವಕನ ಮೇಲೆ ಫೈರಿಂಗ್‌: ಪೊಲೀಸ್‌ ಅಧಿಕಾರಿ ವಜಾ

Team Udayavani, Oct 8, 2022, 9:30 PM IST

ವಾಷಿಂಗ್ಟನ್‌: ಕಾರಿನಲ್ಲಿ ಕುಳಿತು ಬರ್ಗರ್‌ ತಿನ್ನುತ್ತಿದ್ದ ಯುವಕನ ಮೇಲೆ ಪೊಲೀಸ್‌ ಅಧಿಕಾರಿ ಗುಂಡಿನ ದಾಳಿ ನಡೆಸಿದ ಘಟನೆ ಅಮೆರಿಕದ ಸ್ಯಾನ್‌ಆ್ಯಂಟೋನಿಯಾದಲ್ಲಿ ನಡೆದಿದೆ.

ಸುಖಾ ಸುಮ್ಮನೆ ದಾಳಿ ನಡೆಸಿರುವ ಪೊಲೀಸ್‌ ಅಧಿಕಾರಿಯನ್ನು ಕೆಲಸದಿಂದ ವಜಾ ಮಾಡಲಾಗಿದೆ.

ಅಂಗಡಿಯೊಂದರ ಪಾರ್ಕಿಂಗ್‌ ಪ್ರದೇಶದಲ್ಲಿ ಕಾರು ನಿಲ್ಲಿಸಿಕೊಂಡಿದ್ದ 17 ವರ್ಷದ ಯುವಕ ಕಾರಿನಲ್ಲೇ ಕುಳಿತು ಬರ್ಗರ್‌ ತಿನ್ನುತ್ತಿದ್ದ. ಒಮ್ಮೆಲೆ ಕಾರಿನ ಬಾಗಿಲು ತೆರೆದ ಪೊಲೀಸ್‌ ಅಧಿಕಾರಿ, ಯುವಕನಿಗೆ ಕಾರಿನಿಂದ ಕೆಳಗಿಳಿಯಲು ಆದೇಶಿಸಿದ್ದಾನೆ.

Earlier this week, a San Antonio cop abruptly confronted a teen eating in a McDonalds parking lot & demanded the teen exit his vehicle.

When the teen asked why, the cop immediately assaulted & then shot him MULTIPLE TIMES. Cop tried to (falsely) claim the teen had struck him 1st pic.twitter.com/ATNKj4fVgi

— Kendall Brown (@kendallybrown) October 7, 2022

ಏಕೆಂದು ಯುವಕ ಪ್ರಶ್ನಿಸಿದಾಗ ಆತನ ಮೇಲೆ ಗುಂಡಿನ ದಾಳಿ ನಡೆಸಿದ್ದಾನೆ. ತಪ್ಪಿಸಿಕೊಳ್ಳಲೆಂದು ಯುವಕ ಕಾರು ಚಲಾಯಿಸಿಕೊಂಡು ಹೋಗಿದ್ದಾನೆ. ಆದರೂ ಬಿಡದ ಪೊಲೀಸ್‌ ಸತತ ದಾಳಿ ನಡೆಸಿದ್ದಾನೆ. ಯುವಕನಿಗೆ ಗಂಭೀರ ಗಾಯವಾಗಿದ್ದು, ಆತ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾನೆ.