ನಲುಗಿದ ಅಮೆರಿಕಾ: ಚೀನಾ, ಇಟಲಿಯನ್ನು ಮೀರಿಸಿ 1 ಲಕ್ಷ ಗಡಿ ದಾಟಿದ ಸೋಂಕು ಪೀಡಿತರ ಪ್ರಮಾಣ

Team Udayavani, Mar 28, 2020, 9:56 AM IST

ವಾಷಿಂಗ್ಟನ್: ಕೋವಿಡ್-19 ವೈರಸ್ ಅಮೆರಿಕವನ್ನು ಅಕ್ಷರಶಃ ನಲುಗಿಸಿದ್ದು ಸೋಂಕಿತರ ಸಂಖ್ಯೆ 1 ಲಕ್ಷ ಗಡಿ ದಾಟಿದೆ. ಆ ಮೂಲಕ ಅತೀ ವೇಗವಾಗಿ ಸೋಂಕು ಪೀಡಿತರ ಸಂಖ್ಯೆ 1 ಲಕ್ಷ ದಾಟಿದ ಮೊದಲ ದೇಶವೆನಿಸಿಕೊಂಡಿದೆ. ಈ ಕುರಿತು ಜಾಣ್ಸ್ ಹಾಪ್ ಕಿನ್ಸ್ ವಿಶ್ವವಿದ್ಯಾಲಯ ದಾಖಲೆಯನ್ನು ಬಿಡುಗಡೆ ಮಾಡಿದೆ ಎಂದು ಎನ್ ಡಿಟಿವಿ ವರದಿ ಮಾಡಿದೆ.

ಅಮೆರಿಕಾದಲ್ಲಿ ಈಗಾಗಲೇ 1,00,717 ಜನರಿಗೆ ಸೋಂಕು ತಗುಲಿರುವುದು ಖಚಿತವಾಗಿದ್ದು, 1,544 ಜನರು ಈ ಮಾರಣಾಂತಿಕ ವೈರಸ್ ಗೆ ಬಲಿಯಾಗಿದ್ದಾರೆ. ನ್ಯೂಯಾರ್ಕ್ ನಲ್ಲಿ ಅತೀ ಹೆಚ್ಚು ಸೋಂಕು ಪೀಡಿತರಿದ್ದಾರೆ.

ಸೋಂಕು ಮೊದಲು ಕಂಡುಬಂದ ಚೀನಾದ ನಂತರ ಅಮೆರಿಕಾದಲ್ಲಿ ಈ ಮೊದಲು 15,000 ದೃಢಪಟ್ಟ ಪ್ರಕರಣಗಳನ್ನು ವರದಿಯಾಗಿದ್ದಾರೆ, ಇಟಲಿಯಲ್ಲಿ 20,000 ಪ್ರಕರಣಗಳು ದಾಖಲಾಗಿದ್ದವು. ಆದರೇ ಇದೀಗ ಅದರ ಪ್ರಮಾಣ ದುಪ್ಪಟ್ಟಾಗಿದೆ.

ಗಮನಾರ್ಹ ಸಂಗತಿಯೆಂದರೇ ಅಮೆರಿಕಾದಲ್ಲಿ ಈ ಸೋಂಕಿನಿಂದ ಸಾವನ್ನಪ್ಪಿದವರ ಪ್ರಮಾಣ 1.5% ಇದ್ದರೇ, ಇಟಲಿಯಲ್ಲಿ 10.5% ಇದೆ.  ಇಲ್ಲಿ (ಇಟಲಿ) ಸೋಂಕು ಪೀಡಿತರ ಪ್ರಮಾಣ 86,498, ಚೀನಾದಲ್ಲಿ 81,897 ಜನರು ಸೋಂಕು ತಗುಲಿರುವುದು ದೃಢಪಟ್ಟಿದೆ