ಸೀರಂನಿಂದ ಲಂಡನ್‌ನಲ್ಲಿ ಲಸಿಕೆ ಉತ್ಪಾದನ ಘಟಕ

Team Udayavani, May 5, 2021, 6:32 AM IST

ಲಂಡನ್‌: ಪುಣೆಯ ಸೀರಂ ಇನ್‌ಸ್ಟಿಟ್ಯೂಟ್‌ ಆಫ್ ಇಂಡಿಯಾ ಯು.ಕೆ.ಯಲ್ಲಿ 2,400 ಕೋಟಿ ರೂ. ವೆಚ್ಚದಲ್ಲಿ ಲಸಿಕೆ ಉತ್ಪಾದನ ಘಟಕ ಸ್ಥಾಪಿಸಲಿದೆ. ಈ ಬಗ್ಗೆ ಯು.ಕೆ. ಸರಕಾರ‌ದಿಂದಲೇ ಘೋಷಣೆ ಮಾಡಲಾಗಿದೆ.

ಭಾರತ ಮತ್ತು ಯು.ಕೆ. ಸಹಭಾಗಿತ್ವದಲ್ಲಿ ಅದನ್ನು ಸ್ಥಾಪಿಸಲಾಗುತ್ತಿದೆ. ಇದರಿಂದಾಗಿ 6,500 ಉದ್ಯೋಗ ಸೃಷ್ಟಿಯಾಗಲಿದೆ. ಪ್ರಧಾನಿ ಮೋದಿ ಮತ್ತು ಬ್ರಿಟನ್‌ ಪ್ರಧಾನಿ ಬೋರಿಸ್‌ ಜಾನ್ಸನ್‌ ಜತೆಗೆ ನಡೆದ ವರ್ಚುವಲ್‌ ಸಭೆ ಯಲ್ಲಿ ಈ ವಿಷಯ ಪ್ರಕಟಿಸಲಾಗಿದೆ. ಲಸಿಕೆ ಬಗ್ಗೆ ಸಂಶೋಧನೆ ಮತ್ತು ಅಭಿವೃದ್ಧಿ ಚಟು ವಟಿಕೆಗಳು ಈ ಕೇಂದ್ರದಲ್ಲಿ ನಡೆಯಲಿವೆ. ಎಸ್‌ಐಐನಿಂದ ಮೂಗಿನ ಮೂಲಕ ನೀಡುವ ಲಸಿಕೆ ಬಗ್ಗೆ ಈಗಾಗಲೇ ಪ್ರಯೋಗವನ್ನು ಅಮೆರಿಕದ ಬಯೋಟೆಕ್‌ ಸಂಸ್ಥೆ ಕೊಡಾಜೆನಿಕ್ಸ್‌ ಇಂಕ್‌ ಜತೆಗೆ ನಡೆಸಲಾಗುತ್ತಿದೆ.

ಇತ್ತೀಚೆಗಷ್ಟೇ ಅದಾರ್‌ ಪೂನಾವಾಲಾ ಭಾರತದಿಂದ ಹೊರಗೆ ಲಸಿಕೆ ಉತ್ಪಾದನೆ ಮಾಡುವ ಬಗ್ಗೆ ಚಿಂತನೆ ನಡೆಸಲಾಗುತ್ತಿದೆ ಎಂದು ಹೇಳಿದ್ದರು.

ಮತ್ತೂಂದು ಮಹತ್ವದ ಬೆಳವಣಿಗೆಯಲ್ಲಿ ಸೀರಂ ಇನ್‌ಸ್ಟಿಟ್ಯೂಟ್‌  ಹೊಸತಾಗಿ ಸಂಶೋ ಧನೆ ನಡೆಸುತ್ತಿರುವ ಕೊವಾಕ್ಸ್‌ ಎಂಬ ಮತ್ತೂಂದು ಲಸಿಕೆಯ ಪ್ರಯೋಗ ಹಾಲಿ ತಿಂಗಳಲ್ಲೇ ಶುರುವಾಗಲಿದೆ.