ಸ್ವಿಸ್‌ ಬ್ಯಾಂಕ್‌ ಸಾಲ ತೀರಿಸಲು ಮುಂದಾದ ವಿಜಯ್‌ ಮಲ್ಯ

ಲಂಡನ್‌: ಸ್ವಿಜರ್ಲೆಂಡ್‌ನ‌ ಯುಎಸ್‌ಬಿ ಬ್ಯಾಂಕ್‌ಗೆ ತಾವು ನೀಡಬೇಕಿದ್ದ ಸಾಲ ಬಾಕಿ ಪ್ರಕರಣವನ್ನು ಉದ್ಯಮಿ ವಿಜಯ್‌ ಮಲ್ಯ ಇತ್ಯರ್ಥಗೊಳಿಸಿಕೊಂಡಿದ್ದಾರೆ. ಮುಂದಿನ ಎಪ್ರಿಲ್ನೊಳಗೆ ಬ್ಯಾಂಕಿಗೆ ನೀಡಬೇಕಿರುವ ಬಾಕಿ ಮೊತ್ತವನ್ನು ಪಾವತಿಸುವ ಖಾತ್ರಿಯನ್ನು ಮಲ್ಯ ನೀಡಿದ್ದಾರೆಂದು ಹೇಳಲಾಗಿದೆ. ಲಂಡನ್‌ನ ಕೇಂದ್ರ ಭಾಗದಲ್ಲಿರುವ ಕಾರ್ನ್ವೆಲ್ ಟೆರೇಸ್‌ ಅಪಾರ್ಟ್‌ಮೆಂಟ್‌ನ ಖರೀದಿಗಾಗಿ ಆ ಬ್ಯಾಂಕಿನಿಂದ ಮಲ್ಯ ಅವರು, 20.4 ಮಿಲಿಯನ್‌ ಪೌಂಡ್‌ಗಳ (ಅಂದಾಜು 185 ಕೋಟಿ ರೂ.) ಸಾಲ ಪಡೆದಿದ್ದರು. ಸಾಲ ಮರು ಪಾವತಿ ಮಾಡದ ಹಿನ್ನೆಲೆಯಲ್ಲಿ ಕಾನೂನಾತ್ಮಕ ಕ್ರಮ ಕೈಗೊಂಡಿದ್ದ ಬ್ಯಾಂಕ್‌, ಅಪಾರ್ಟ್‌ಮೆಂಟ್ ಅನ್ನು ತನ್ನ ಸುಪರ್ದಿಗೆ ತೆಗೆದುಕೊಂಡಿತ್ತು.