VIRAL VIDEO: ರೈಲಿನಲ್ಲಿ ತನ್ನ ಭುಜದ ಮೇಲೆ ಮಲಗಿದ್ದ ಪ್ರಯಾಣಿಕನಿಗೆ ಪಂಚ್ ನೀಡಿದ ವ್ಯಕ್ತಿ

Team Udayavani, Aug 27, 2023, 4:09 PM IST

ನ್ಯೂಯಾರ್ಕ್: ನಗರದ ರೈಲಿನಲ್ಲಿ ಪ್ರಯಾಣಿಸುತ್ತಿದ್ದ ವ್ಯಕ್ತಿಯೊಬ್ಬರು ತನ್ನ ಭುಜದ ಮೇಲೆ ಒರಗಿದ ಪಕ್ಕದಲ್ಲಿ ಕುಳಿತಿದ್ದ ವ್ಯಕ್ತಿಯನ್ನು ಹೊಡೆದುರುಳಿಸಿದ ಘಟನೆ ನಡೆದಿದೆ. ಈ ಆಘಾತಕಾರಿ ಘಟನೆ ಕ್ಯಾಮೆರಾದಲ್ಲಿ ಸೆರೆಯಾಗಿದೆ. ಈ ಘಟನೆಯು ರೈಲಿನಲ್ಲಿ ಘರ್ಷಣೆಯನ್ನು ಉಂಟುಮಾಡಿತು ಎಂದು ನ್ಯೂಯಾರ್ಕ್ ಪೋಸ್ಟ್‌ ನಲ್ಲಿ ವರದಿಯಾಗಿದೆ.

ಘಟನೆಯ ವಿಡಿಯೋ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದೆ. ವಿಡಿಯೋದಲ್ಲಿ ಆರೋಪಿ ವ್ಯಕ್ತಿಯು ತನ್ನ ಎದುರಿನಲ್ಲಿ ಕುಳಿತಿರುವ ವ್ಯಕ್ತಿಗೆ ಬಯ್ಯುತ್ತಿರುವುದು ಕಂಡುಬಂದಿದೆ. ಈ ಸಮಯದಲ್ಲಿ ಬಳಿಯಿದ್ದ ಪ್ರಯಾಣಿಕನು ಏನೋ ಪಿಸುಗುಟ್ಟಿದಾಗ, ಉದ್ರೇಕನಾದ ಆತ ಮೊಣಕೈಯಿಂದ ಬಳಿಯಿದ್ದ ಸಹ ಪ್ರಯಾಣಿಕನ ಮುಖಕ್ಕೆ ಅನೇಕ ಬಾರಿ ಹೊಡೆಯುತ್ತಾನೆ.. ಕೆಲವೇ ಕ್ಷಣಗಳಲ್ಲಿ, ಸಂತ್ರಸ್ಥನ ಸ್ನೇಹಿತನಂತೆ ತೋರುವ ಮತ್ತೋರ್ವ ಪ್ರಯಾಣಿಕನು ಜಿಗಿದು ಆ ವ್ಯಕ್ತಿಗೆ ಗುದ್ದುತ್ತಾನೆ. ಇದು ಹಲವಾರು ನಿಮಿಷಗಳವರೆಗೆ ಮುಂದುವರಿಯುತ್ತದೆ.

ಇದನ್ನೂ ಓದಿ:Dandeli: ಮಾದಕ ವಸ್ತು ಸೇವನೆಯಲ್ಲಿ ತೊಡಗಿದ್ದ ಅಪ್ರಾಪ್ತ ಬಾಲಕರು: ಎಚ್ಚರಿಕೆ ನೀಡಿದ ಪೊಲೀಸರು

ಅಧಿಕಾರಿಗಳ ಪ್ರಕಾರ, ಫಾರೆಸ್ಟ್ ಹಿಲ್ಸ್ 71 ನೇ ಅವೆನ್ಯೂ ಸ್ಟಾಪ್‌ ಗೆ ಸಾಗುತ್ತಿದ್ದ ಉತ್ತರದ ಎಫ್ ರೈಲಿನಲ್ಲಿ ಸುಮಾರು 5:30 ಗಂಟೆಗೆ ಈ ಘಟನೆ ಸಂಭವಿಸಿದೆ.

New York man elbows another passenger on the subway #subwaycreatures #nyc #frailego pic.twitter.com/N6KX6ltBIz

— Rama (@EyesWitness00) August 24, 2023

ಪೆಟ್ಟು ತಿಂದಾತ ಯಾವುದೇ ವೈದ್ಯಕೀಯ ಸಹಾಯವನ್ನು ನಿರಾಕರಿಸಿದರು ಮತ್ತು ಅವನ ಸ್ನೇಹಿತ ಯಾವುದೇ ಗಾಯಗಳನ್ನು ವರದಿ ಮಾಡಲಿಲ್ಲ. ದಾಳಿಕೋರನ ವಿರುದ್ಧ ಹಲ್ಲೆ ದೂರು ದಾಖಲಾಗಿದ್ದು, ಪೊಲೀಸರು ಆತನಿಗಾಗಿ ಹುಡುಕಾಟ ನಡೆಸುತ್ತಿದ್ದಾರೆ.