War in 2025: ಬಾಬಾ ವಂಗಾ, ನಾಸ್ಟ್ರಾಡಾಮಸ್‌ ಒಂದೇ ಥರದ ಭವಿಷ್ಯ

Team Udayavani, Oct 28, 2024, 6:55 AM IST

ಹೊಸದಿಲ್ಲಿ: ರಾಜಮನೆತನಗಳ ಸರ್ವನಾಶ, ಭೀಕರ ಕಾಯಿಲೆ ಸೇರಿ ಜಗತ್ತಿನ ಬಹುತೇಕ ವಿಚಾರಗಳ ಬಗ್ಗೆ ಬಹಳಷ್ಟು ಹಿಂದೆಯೇ ಕರಾರುವಾಕ್ಕಾಗಿ ಭವಿಷ್ಯ ನುಡಿ ದಿದ್ದ ಕಾಲಜ್ಞಾನಿಗಳಾದ ಬಾಬಾ ವಂಗಾ ಮತ್ತು ನಾಸ್ಟ್ರಾಡಾಮಸ್‌, ಯುರೋಪ್‌ನಲ್ಲಿ 2025ರಲ್ಲಿ ಭೀಕರ ಯುದ್ಧ ನಡೆಯುವುದನ್ನು ಜಗತ್ತು ಕಾಣುತ್ತದೆ ಎಂದು ಭವಿಷ್ಯ ಹೇಳಿದ್ದಾರೆ. ಬಾಬಾ ವಂಗಾ ನುಡಿದ ಭವಿಷ್ಯದ ಪ್ರಕಾರ, ರಷ್ಯಾ-ಉಕ್ರೇನ್‌ ಯುದ್ಧದ ಹೊರತಾಗಿ ಹೊಸದಾಗಿ 2 ರಾಷ್ಟ್ರಗಳ ನಡುವೆ ಯುದ್ಧ ಸಂಭವಿಸಲಿದೆ. ಇದು ಅಪಾರ ಪ್ರಮಾಣದ ಹಾನಿ ಹಾಗೂ ಮನುಷ್ಯರು ಸಾವನ್ನಪ್ಪಲಿದ್ದಾರೆ ಎನ್ನಲಾ­­ಗಿದೆ. ಇತ್ತ ನಾಸ್ಟ್ರಾಡಾಮಸ್‌ ಕೂಡ ಇಂಥದ್ದೇ ಭವಿಷ್ಯ ನುಡಿದಿದ್ದು, 2025ರಲ್ಲಿ ಯುರೋಪ್‌ನಲ್ಲಿ ಅತೀ ಭೀಕರ ಯುದ್ಧ ನಡೆಯಲಿದ್ದು, ಶತ್ರುಗಳಿಗಿಂತಲೂ ಕ್ರೂರವಾದ ಪ್ಲೇಗ್‌ ಮರುಕಳಿಸಲಿದೆ ಎಂದಿದ್ದಾರೆ.