17 ಕ್ಷುದ್ರಗ್ರಹಗಳಲ್ಲಿದೆ ನೀರು

Team Udayavani, Dec 20, 2018, 6:15 AM IST

ಟೋಕಿಯೊ: ಬಾಹ್ಯಾಕಾಶದಲ್ಲಿ ಹಾರಾಡುವ 17 ಕ್ಷುದ್ರಗ್ರಹಗಳಲ್ಲಿ ನೀರಿನ ಅಂಶವಿರುವುದನ್ನು ಜಪಾನ್‌ ವಿಜ್ಞಾನಿಗಳು ಪತ್ತೆ ಹಚ್ಚಿದ್ದಾರೆ. 

ಜಪಾನ್‌ ಏರೋಸ್ಪೇಸ್‌ ಎಕ್ಸ್‌ಪ್ಲೊರೇಷನ್‌ ಏಜೆನ್ಸಿ (ಜಾಕ್ಸಾ) ಹಾಗೂ ಯೂನಿವರ್ಸಿಟಿ ಆಫ್ ಟೋಕಿಯೋ (ಯುಟಿ) ವಿಜ್ಞಾನಿಗಳು ಈ ಸಂಶೋಧನೆ ಮಾಡಿದ್ದಾರೆ. 2011ರಲ್ಲಿ ಹಾರಿ ಬಿಡಲಾಗಿದ್ದ  ಅಕಾರಿ ಎಂಬ ಉಪಗ್ರಹದ ಅತಿ ಸೂಕ್ಷ್ಮ ಇನ್‌ಫ್ರಾರೆಡ್‌ (2.3 ಮೈಕ್ರೋ ಮೀಟರ್‌) ಕಿರಣಗಳಿಂದ ನೀರಿನ ಪತ್ತೆ ಸಾಧ್ಯವಾಗಿದೆ. ಅಂದಹಾಗೆ, ಈ ಕ್ಷುದ್ರ ಗ್ರಹಗಳಲ್ಲಿನ ನೀರು ತೇವಗೊಂಡ ಖನಿಜಗಳ ಮಾದರಿಯಲ್ಲಿದ್ದು, ಲಕ್ಷಾಂತರ ವರ್ಷಗಳ ಕಾಲಾವಧಿಯಲ್ಲಿ ಆಂತರಿಕವಾಗಿ ನಡೆದಿರುವ ರಾಸಾಯನಿಕ ಪ್ರಕ್ರಿಯೆಗಳಿಂದ ರೂಪು ಗೊಂಡಿವೆ ಎಂದು ವಿಜ್ಞಾನಿಗಳು ತಿಳಿಸಿದ್ದಾರೆ. ನೀರಿನ ಉಗಮದ ಬಗ್ಗೆ ಹೊಸ ಸಿದ್ಧಾಂತ ಗಳು, ಚರ್ಚೆ, ವಾದಗಳಿಗೆ ಈ ಸಂಶೋಧನೆ ಹೊಸ ದಿಕ್ಕು ನೀಡಲಿದೆ ಎಂದು ನಿರೀಕ್ಷಿಸ ಲಾಗಿದೆ. ಸದ್ಯಕ್ಕೆ ಭೂಮಿ ಹೊರತುಪಡಿಸಿ ಬೇರೆಲ್ಲೂ ನೀರಿನ ಮೂಲವಿಲ್ಲ. 

ಈ ಅತ್ಯಮೂಲ್ಯ ಸಂಪನ್ಮೂಲದ ಉಗಮವಾಗಿ ದ್ದಾದರೂ ಹೇಗೆ ಎಂಬುದಕ್ಕೆ ವಿಜ್ಞಾನಿಗಳಲ್ಲಿ ಈವರೆಗೂ ನಿಖರ ಉತ್ತರವಿಲ್ಲ. ಇತ್ತೀಚೆಗೆ ಇತರ ಕೆಲ ಗ್ರಹಗಳಲ್ಲಿ ನೀರಿನ ಕುರುಹು ಇದೆ ಎಂದು ಊಹಿಸಲಾಗಿದೆಯಾದರೂ ಅದರ ಮೂಲದ ಬಗ್ಗೆಯೂ ನಿಖರ ಉತ್ತರ ಸಿಕ್ಕಿಲ್ಲ. ಹಾಗಾಗಿ, ಜಪಾನ್‌ ವಿಜ್ಞಾನಿಗಳ ಈ ಸಂಶೋ ಧನೆ ಜಲ ಮೂಲಕ್ಕೆ ಸಂಬಂಧಿಸಿದ ಪ್ರಶ್ನೆಗಳಿಗೆ ಸೂಕ್ತ ಉತ್ತರ ನೀಡಬಹುದು ಎಂದು ಆಶಿಸಲಾಗಿದೆ.