ಭಾರತ-ಜರ್ಮನಿ Made for each other: ಜರ್ಮನಿಯಲ್ಲಿ ಪ್ರಧಾನಿ ಮೋದಿ

Team Udayavani, May 30, 2017, 7:16 PM IST

ಬರ್ಲಿನ್‌: ಭಾರತ ಮತ್ತು ಜರ್ಮನಿ ಮೇಡ್‌ ಫಾರ್‌ ಈಚ್‌ ಅದರ್‌ ಎಂದು ಪ್ರಧಾನಿ ನರೇಂದ್ರ ಮೋದಿ ಅವರಿಂದು ಬಣ್ಣಿಸಿದರು. 

ಭಾರತ ಮತ್ತು ಜರ್ಮನಿ ಇಂದು ಎಂಟು ದ್ವಿಪಕ್ಷೀಯ ಒಪ್ಪಂದಗಳಿಗೆ ಸಹಿ ಹಾಕಿದವು. 

“ಭಾರತ – ಜರ್ಮನಿ ಬಾಂಧವ್ಯ ಉಭಯ ರಾಷ್ಟ್ರಗಳಿಗೆ ಲಾಭದಾಯಕವಾಗಿರುವುದನ್ನು ನಾವು ಎದುರು ನೋಡುತ್ತಿದ್ದೇವೆ; ಅಂತೆಯೇ  ಉಭಯತರ ನಡುವಿನ ಆರ್ಥಿಕ ಬಾಂಧವ್ಯದಲ್ಲಿ ಮಹತ್ತರ ಜಿಗಿತವನ್ನು ಸಾಧಿಸಲು ನಾವು ಬಯಸಿದ್ದೇವೆ’ ಎಂದು ಮೋದಿ, ಜರ್ಮನಿಯ ಚಾನ್ಸಲರ್‌ ಏಂಜೇಲಾ ಮರ್ಕೆಲ್‌ ಜತೆಗೆ ನಡೆಸಿಕೊಟ್ಟ ಜಂಟಿ ಪತ್ರಿಕಾ ಗೋಷ್ಠಿಯಲ್ಲಿ ಹೇಳಿದರು. 

ಭಾರತ – ಜರ್ಮನಿ ನಡುವಿನ ದ್ವಿಪಕ್ಷೀಯ ವ್ಯೂಹಾತ್ಮಕ ಬಾಂಧವ್ಯಗಳ ಮಾರ್ಗನಕ್ಷೆಯನ್ನು ರೂಪಿಸಿ ನಾಲ್ಕನೇ ಸುತ್ತಿನ ಅಂತರ-ಸರಕಾರಿ ಸಂವಹನ ನಡೆದ ಬಳಿಕ ಮೋದಿ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದರು. 

ಭಾರತವು ಮುಂದಿನ ತಲೆಮಾರಿನ ಮೂಲ ಸೌಕರ್ಯಕ್ಕೆ ವಿಶೇಷವಾದ ಉತ್ತೇಜನ ನೀಡುತ್ತಿದೆ ಮತ್ತು ಈ ಕ್ಷೇತ್ರದಲ್ಲಿ ನಾವು ಜರ್ಮನಿಯೊಂದಿಗೆ ವಿಸ್ತೃತ ನೆಲೆಯಲ್ಲಿ ಕೆಲಸ ಮಾಡಲು ಬಯಸಿದ್ದೇವೆ ಎಂದು ಹೇಳಿದರು.