ಆಗಸ್ಟ್‌ನಲ್ಲೇ ಬಂದಿತ್ತಾ ಕೋವಿಡ್?

Team Udayavani, Jun 10, 2020, 12:15 PM IST

ಸಾಂದರ್ಭಿಕ ಚಿತ್ರ

ಚೀನದಲ್ಲಿ ಕೋವಿಡ್ ವೈರಸ್‌ ಸೋಂಕು ಕಾಣಿಸಿಕೊಂಡಿದ್ದು ಡಿಸೆಂಬರ್‌ನಲ್ಲಿ ಎಂದೇ ಜಗತ್ತು ನಂಬಿದೆ. ಆದರೆ ಆ ನಂಬಿಕೆ ಸುಳ್ಳು. ಅಲ್ಲಿ 2019ರ ಆಗಸ್ಟ್‌ನಲ್ಲೇ ಕೋವಿಡ್ ಸೋಂಕು ಪತ್ತೆಯಾಗಿತ್ತು ಎಂದು ಹಾರ್ವರ್ಡ್‌ ಮೆಡಿಕಲ್‌ ಸ್ಕೂಲ್‌ (ಎಚ್‌ಎಂಎಸ್‌) ಹೇಳಿದೆ. ಆದರೆ ಚೀನ ಇದನ್ನು ಅಲ್ಲಗಳೆದಿದೆ.

ಸ್ಯಾಟಲೈಟ್‌ ಚಿತ್ರಗಳು ಹಾಗೂ ಅಂತರ್ಜಾಲದಲ್ಲಿ ವಿಷಯಗಳ ಹುಡುಕಾಟ ಕುರಿತ ಮಾಹಿತಿ (ಸರ್ಚ್‌ ಎಂಜಿನ್‌ ಡಾಟಾ) ಆಧರಿಸಿ ಎಚ್‌ಎಂಎಸ್‌ ಸಂಶೋಧಕರು ಅಧ್ಯಯನ ನಡೆಸಿದ್ದಾರೆ. ಅದ ರಂತೆ, ಆಗಸ್ಟ್‌ ತಿಂಗಳಲ್ಲೇ ವುಹಾನ್‌ನ ಆಸ್ಪತ್ರೆಗಳ ಪಾರ್ಕಿಂಗ್‌ ಲಾಟ್‌ಗಳು ವಾಹನಗಳಿಂದ ತುಂಬಿರುವುದು, ಹೆಚ್ಚು ಜನ ಸಂಚಾರ ಇರುವುದನ್ನು ಸ್ಯಾಟಲೈಟ್‌ ಚಿತ್ರಗಳು ದೃಢಪಡಿಸಿವೆ. ಅಲ್ಲದೆ, ಈ ಅವಧಿಯಲ್ಲಿ “ಕೆಮ್ಮು’ ಮತ್ತು “ಅತಿಸಾರ’ಕ್ಕೆ ಸಂಬಂಧಿಸಿದಂತೆ ಆ ಭಾಗದಲ್ಲಿ ಹೆಚ್ಚು ಮಂದಿ ಅಂತರ್ಜಾಲದಲ್ಲಿ ಹುಡಕಾಟ ನಡೆಸಿದ್ದಾರೆ ಎಂದು ಸಂಶೋಧಕರು ಹೇಳಿದ್ದಾರೆ.