ಗೆಳೆಯನನ್ನು ಕೊಂದು ಬಿರಿಯಾನಿ ತಯಾರಿಸಿ ಹಂಚಿದ ರಾಕ್ಷಸಿ!

Team Udayavani, Nov 23, 2018, 9:35 AM IST

ಅಬುಧಾಬಿ: ಅಬ್ಬಬ್ಟಾ.. ಹೀಗೂ ಇರ್ತಾರಾ ಎಂದು ಹುಬ್ಬೇರಿಸಿದ್ದರೆ ಅಚ್ಚರಿಯೇನಿಲ್ಲ. ಅಂಥದ್ದೊಂದು
ವಿಲಕ್ಷಣ ಘಟನೆ ಅಬುಧಾಬಿಯಲ್ಲಿ ನಡೆದಿದೆ. ಮಹಿಳೆಯೊಬ್ಬಳು ತನ್ನ ಮಾಜಿ ಪ್ರಿಯತಮನನ್ನು ಹತ್ಯೆಗೈದು, ಆತನ ದೇಹವನ್ನು ಬೇಯಿಸಿ, ಮೊರೊಕ್ಕನ್‌ ಖಾದ್ಯ ತಯಾರಿಸಿ ಕಟ್ಟಡ ನಿರ್ಮಾಣ
ಕಾರ್ಮಿಕರಿಗೆ ಬಡಿಸಿದ್ದಾಳೆ.

30 ವಯಸ್ಸಿನ ಅಲ್‌ ಅಯ್ನ ಎಂಬಾಕೆಯೇ ಮಾಜಿ ಗೆಳೆಯನನ್ನು ಕೊಂದು ಭಕ್ಷ್ಯ ತಯಾರಿಸಿ
ಹಂಚಿದ “ರಾಕ್ಷಸಿ’. ನನ್ನನ್ನು ನಿರ್ಲಕ್ಷಿಸತೊಡಗಿದ್ದಕ್ಕೆ ಆತನ ದೇಹವನ್ನು ತುಂಡು ತುಂಡಾಗಿ ಕತ್ತರಿಸಿ,
ಬೇಯಿಸಿ ಖಾದ್ಯ ತಯಾರಿಸಿದೆ ಎಂದು ಆಕೆ ತಪ್ಪೊಪ್ಪಿಕೊಂಡಿರುವುದಾಗಿ ಖಲೀಜ್‌ ಟೈಮ್ಸ್‌ ವರದಿ ಮಾಡಿದೆ. ಆಕೆಯ ಮನೆಯಲ್ಲಿದ್ದ ಮಿಕ್ಸಿ ಜಾರ್‌ನಲ್ಲಿ ಮೃತನಹಲ್ಲುಗಳು ಸಿಕ್ಕಿದ್ದು, ಅದರಿಂದಲೇ ಈ
ವಿಚಾರ ಬೆಳಕಿಗೆ ಬಂದಿದೆ. 

7 ವರ್ಷಗಳ ಲೀವ್‌ ಇನ್‌ ಸಂಬಂಧವನ್ನು ಧಿಕ್ಕರಿಸಿ ಮದವೆಯಾಗಲು ಒಪ್ಪದ ಕಾರಣಕ್ಕೆ  ಈ ಕೃತ್ಯ ಎಸಗಿದ್ದಾಳೆ ಎನ್ನಲಾಗಿದೆ. ಆದರೆ ಈ ರೀತಿ ಗೈಯಲು ನಿಜವಾದ ಕಾರಣವೇನು ಎನ್ನುವುದು ಇನ್ನಷ್ಟೇ ತಿಳಿದು ಬರಬೇಕಿದೆ.

ಪತ್ತೆಯಾದ ಹಲ್ಲಿನ ಡಿಎನ್‌ಎ ಪರೀಕ್ಷೆ ನಡೆಸಿದಾಗ ಹತ್ಯೆಗೀಡಾದ ವ್ಯಕ್ತಿ ಯಾರೆಂಬುದು ಧೃಡಪಟ್ಟಿದೆ. 

ಹತ್ಯೆಗೀಡಾದ ವ್ಯಕ್ತಿಯ ಸಹೋದರ ಮಹಿಳೆಯ ಮೇಲೆ ಅನುಮಾನಗೊಂಡು ದೂರು ನೀಡಿದಾಗ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆಗಿಳಿದಿದ್ದಾರೆ. ಆರೋಪಿ ಮಹಿಳೆಗೆ ನ್ಯಾಯಾಂಗ ಬಂಧನ ವಿಧಿಸಲಾಗಿದೆ.