Alvas; ಪ್ಯಾರಿಸ್‌ ಒಲಿಂಪಿಕ್ಸ್‌ ನಲ್ಲಿ ಮೂಡುಬಿದಿರೆ ಆಳ್ವಾಸ್‌ನ ಐವರು

Team Udayavani, Jul 26, 2024, 6:55 AM IST

ಮೂಡುಬಿದಿರೆ: ಪ್ಯಾರಿಸ್‌ನಲ್ಲಿ ಜು. 26ರಿಂದ ಆರಂಭ ವಾಗಲಿರುವ ಒಲಿಂಪಿಕ್ಸ್‌ ಗೇಮ್ಸ್‌ಗೆ ಆಳ್ವಾಸ್‌ ಶಿಕ್ಷಣ ಪ್ರತಿಷ್ಠಾನದ ದತ್ತು ಶಿಕ್ಷಣ ಯೋಜನೆಯಲ್ಲಿ ಶಿಕ್ಷಣ ಮುಗಿಸಿರುವ ಐವರು ಹಿರಿಯ ವಿದ್ಯಾರ್ಥಿಗಳು ಭಾರತವನ್ನು ಪ್ರತಿನಿಧಿಸುತ್ತಿದ್ದಾರೆ. 4×400 ರಿಲೇಯಲ್ಲಿ ಪೂವಮ್ಮ ರಾಜು, ಸಂತೋಷ್‌ ಕುಮಾರ್‌ ತಮಿಳರಸನ್‌, ಸುಭಾ ವೆಂಕಟೇಶನ್‌, ಮತ್ತು ಮಿಜೋ ಚಾಕೋ ಕುರಿಯನ್‌ ಹಾಗೂ ಟ್ರಿಪಲ್‌ ಜಂಪ್‌ನಲ್ಲಿ ಪ್ರವೀಣ್‌ ಸಿ. ಪಾಲ್ಗೊಳ್ಳಲಿದ್ದಾರೆ.

ಕ್ರೀಡೆಗೆ ಪ್ರೋತ್ಸಾಹ
ಆಳ್ವಾಸ್‌ ಶಿಕ್ಷಣ ಪ್ರತಿಷ್ಠಾನ ಆರಂಭಕ್ಕೂ ಮೊದಲೇ, 1984ರಲ್ಲಿ ‘ಏಕಲವ್ಯ ನ್ಪೋರ್ಟ್‌ ಕ್ಲಬ್‌’ ಸ್ಥಾಪಿಸಿದ ಡಾ| ಮೋಹನ್‌ ಆಳ್ವರು, ಕ್ರೀಡಾ ಪ್ರತಿಭೆಗಳಿಗೆ ಉಚಿತ ಶಿಕ್ಷಣದ ಅವಕಾಶವನ್ನು ಕಲ್ಪಿಸಿದ್ದರು. ಮುಂದೆ ಆಳ್ವಾಸ್‌ ಶಿಕ್ಷಣ ಪ್ರತಿಷ್ಠಾನದ ಮಲೂಕ ಉಚಿತ ಕ್ರೀಡಾ ದತ್ತು ಶಿಕ್ಷಣ ನೀತಿಯಿಂದ ಆ್ಯತ್ಲೀಟ್‌ಗಳು ಇನ್ನಷ್ಟು ಶ್ರೇಷ್ಠ ಸಾಧನೆ ಮಾಡಲು ಪ್ರೇರಣೆ ನೀಡಿತು. ತಮ್ಮ ಸಂಸ್ಥೆಯ ಹಿರಿಯ ವಿದ್ಯಾರ್ಥಿಗಳ ಸಾಧನೆಗೆ ಪ್ರತಿಷ್ಠಾನದ ಅಧ್ಯಕ್ಷ ಡಾ| ಎಂ. ಮೋಹನ ಆಳ್ವ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.