Paris Olympics: ಗುರಿ ತಪ್ಪಿದ ದೀಪಿಕಾ ಕುಮಾರಿ
Team Udayavani, Aug 3, 2024, 9:54 PM IST
ಪ್ಯಾರಿಸ್: ಒಲಿಂಪಿಕ್ಸ್ ಬಿಲ್ಗಾರಿಕೆಯ ಮಹಿಳೆಯರ ವೈಯಕ್ತಿಕ ವಿಭಾಗದಲ್ಲಿ ಕ್ವಾರ್ಟರ್ ಫೈನಲ್ಗೆ ಏರಿದ್ದ ದೀಪಿಕಾ ಕುಮಾರಿ ಸೋಲನುಭವಿಸಿದ್ದಾರೆ. ಶನಿವಾರ ನಡೆದ ಪಂದ್ಯದಲ್ಲಿ ದೀಪಿಕಾ, ದಕ್ಷಿಣ ಕೊರಿಯಾದ ನಾಮ್ ಸುಹ್ಯೆನ್ ವಿರುದ್ಧ 6-4 ಅಂತರದಿಂದ ಪರಾಭವಗೊಂಡರು.
ಇದಕ್ಕೂ ಮುನ್ನ ನಡೆದ ಪ್ರಿ ಕ್ವಾರ್ಟರ್ ಫೈನಲ್ ಪಂದ್ಯದಲ್ಲಿ ಭಜನ್ ಕೌರ್ ಕೂಡ ಸೋತರು. ಅವರು ಇಂಡೋನೇಷ್ಯಾದ ದಿಯಾನಂದ ಚಾಯಿರುನಿಸಾ ವಿರುದ್ಧ ನಿರಾಸೆಗೀಡಾದರು. ಇಲ್ಲಿಗೆ ಬಿಲ್ಗಾರಿಕೆಯಲ್ಲಿ ಭಾರತದ ಒಲಿಂಪಿಕ್ಸ್ ಸವಾಲು ಅಂತ್ಯಗೊಂಡಿತು.
ಆರಂಭಿಕ ಹಂತದಲ್ಲಿ ಸುಹ್ಯೆನ್ ವಿರುದ್ಧ 3 ಸೆಟ್ಗಳಲ್ಲಿ ಎರಡರಲ್ಲಿ ಗೆದ್ದು ದೀಪಿಕಾ ಭಾರೀ ನಿರೀಕ್ಷೆ ಮೂಡಿಸಿದ್ದರು. ಆದರೆ 4ನೇ ಸೆಟ್ನಲ್ಲಿ ಬರೀ 7ಕ್ಕೆ ಗುರಿಯಿಡುವ ಮೂಲಕ ಮುಂದಿನ ಹಂತಕ್ಕೇರಲಿದ್ದ ಅವಕಾಶವನ್ನು ಕೈಚೆಲ್ಲಿದರು.
ನಾಲ್ಕನೇ ಒಲಿಂಪಿಕ್ಸ್:
2010ರ ಹೊಸದಿಲ್ಲಿ ಕಾಮನ್ವೆಲ್ತ್ ಗೇಮ್ಸ್ನಲ್ಲಿ ಬಂಗಾರ ಗೆದ್ದಿದ್ದ ದೀಪಿಕಾ, ಈ ಬಾರಿ 4ನೇ ಬಾರಿಗೆ ಒಲಿಂಪಿಕ್ಸ್ನಲ್ಲಿ ಸ್ಪರ್ಧಿಸಿದ್ದರು. ಆದರೆ ಈ ಬಾರಿಯೂ ಅವರು ಬರಿಗೈಯಲ್ಲಿ ತವರಿಗೆ ವಾಪಸಾಗಲಿದ್ದಾರೆ. ಇದಕ್ಕೂ ಹಿಂದಿನ ಲಂಡನ್, ರಿಯೋ ಮತ್ತು ಟೋಕಿಯೊ ಒಲಿಂಪಿಕ್ಸ್ನಲ್ಲೂ ದೀಪಿಕಾ ನಿರಾಸೆ ಮೂಡಿಸಿದ್ದರು.
ಬಿಲ್ಗಾರಿಕೆ ಮಿಶ್ರ ತಂಡ ವಿಭಾಗದಲ್ಲಿ ಅಂಕಿತಾ ಭಕತ್ ಮತ್ತು ಧೀರಜ್ ಬೊಮ್ಮದೇವರ ಅವರನ್ನೊಳಗೊಂಡ ತಂಡ 4ನೇ ಸ್ಥಾನ ಪಡೆದದ್ದೇ ಪ್ಯಾರಿಸ್ನಲ್ಲಿ ಬಿಲ್ಗಾರಿಕೆ ವಿಭಾಗದಲ್ಲಿ ಭಾರತದ ಉತ್ತಮ ಸಾಧನೆಯಾಗಿದೆ. ಉಳಿದಂತೆ ಮತ್ತೆಲ್ಲ ವಿಭಾಗಗಳಲ್ಲೂ ಭಾರತೀಯ ಬಿಲ್ಗಾರರು ನೀರಸ ಪ್ರದರ್ಶನ ನೀಡಿದರು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
Kaljigaದಲ್ಲಿ ದೈವದ ಅಪಪ್ರಚಾರ ನಡೆದಿಲ್ಲ, ಸಿನಿಮಾ ನೋಡಿದ ಬಳಿಕ ಈ ಬಗ್ಗೆ ಪ್ರತಿಕ್ರಿಯಿಸಿ
ನವಜಾತ ಶಿಶುಗಳಲ್ಲಿ ಶ್ರವಣ ಶಕ್ತಿ ಸಮಸ್ಯೆ ಕುರಿತು ಸಂಪೂರ್ಣ ಮಾಹಿತಿ
ಅಂತರಾಷ್ಟ್ರೀಯ ಪ್ರಜಾಪ್ರಭುತ್ವ ದಿನಾಚರಣೆ ಅಂಗವಾಗಿ ತಾಲೂಕು ಮಟ್ಟದ ಮಾನವ ಸರಪಳಿ ಕಾರ್ಯಕ್ರಮ
ಈಟ್ ರಾಜಾ ಶಾಪ್ ನಲ್ಲಿ ಜ್ಯೂಸ್ ಕುಡಿಯೋದಷ್ಟೇ ಅಲ್ಲ ತಿನ್ನಲೂ ಬಹುದು
ಅಯ್ಯೋ…ಸಂತೆಕಟ್ಟೆ ಅಂಡರ್ ಪಾಸ್ ಪ್ರಯಾಣ ನಿತ್ಯ ನರಕ!
ಹೊಸ ಸೇರ್ಪಡೆ
Thanks for visiting Udayavani
You seem to have an Ad Blocker on.
To continue reading, please turn it off or whitelist Udayavani.