Paris Olympics; ಪಟ್ಟು ಬಿಡದೆ ಕಂಚಿನ ಪದಕ ಗೆದ್ದ ಅಮನ್ ಸೆಹ್ರಾವತ್

Team Udayavani, Aug 9, 2024, 11:28 PM IST

ಪ್ಯಾರಿಸ್ : ಈ ಬಾರಿ ಭಾರತಕ್ಕೆ ಒಲಿಂಪಿಕ್ಸ್‌ ಪದಕದ ಕೊನೆಯ ಭರವಸೆಯಾಗಿದ್ದ ಕುಸ್ತಿ ಪಟು ಅಮನ್ ಸೆಹ್ರಾವತ್ ಅವರು ಕಂಚಿನ ಪದಕ ಗೆದ್ದಿದ್ದಾರೆ.

ಶುಕ್ರವಾರ(ಆಗಸ್ಟ್ 9) ರಾತ್ರಿ ನಡೆದ ಪುರುಷರ 57 ಕೆಜಿ ಕುಸ್ತಿ ಕಂಚಿನ ಪದಕದ ಪಂದ್ಯದಲ್ಲಿ ಪೋರ್ಟೊ ರಿಕೊದ ಡೇರಿಯನ್ ಟೊಯಿ ಕ್ರೂಜ್ ವಿರುದ್ಧ  ಅಮನ್ ಸೆಹ್ರಾವತ್ 13-5 ಪಾಯಿಂಟ್ಸ್ ಗಳ ಅಂತರದಿಂದ ಭರ್ಜರಿ ಜಯ ಸಾಧಿಸಿ ಭಾರತಕ್ಕೆ ಮತ್ತೊಂದು ಪದಕ ಗೆದ್ದು ಕೊಟ್ಟರು. ಇದು ಭಾರತ ಈ ಒಲಿಂಪಿಕ್ಸ್ ನಲ್ಲಿ ಭಾರತ ಗೆದ್ದ ಐದನೇ ಕಂಚಿನ ಪದಕವಾಗಿದೆ. ನೀರಜ್ ಚೋಪ್ರಾ ಅವರು ಬೆಳ್ಳಿ ಗೆದ್ದಿದ್ದು ಒಟ್ಟು ಆರು ಪದಕ ಗೆದ್ದಂತಾಗಿದೆ.

ಈ ಬಾರಿ ಒಲಿಂಪಿಕ್ಸ್ ನಲ್ಲಿ ಆಡಿದ್ದ ಭಾರತದ ಏಕೈಕ ಕುಸ್ತಿ ಪಟು ಅಮನ್ ಸೆಹ್ರಾವತ್ ಅವರಾಗಿದ್ದರು. 21 ರ ಹರೆಯದಲ್ಲೇ ಪದಕ ಗೆದ್ದು ಕುಸ್ತಿಯ ಹೊಸ ಭರವಸೆಯಾಗಿ ಮೂಡಿ ಬಂದಿದ್ದಾರೆ.